本週反思#209💬

「我遭遇不幸，主還有保守嗎❓」

我若仍沉醉不幸，可能還未跟主走。

……

03/01/2022（一）07:30 家

我說：「皮皮。」

皮皮跑過來，我繫上狗帶，準備帶皮皮外出晨運。

我說：「行啦。」

皮皮提起腳步，我打開大門，躺在廳中床墊的爸爸大叫。

爸爸說：「葉偉雄。」

我轉身，看見爸爸躺在床墊上，筒筒站在床墊的右邊。

我說：「吓？」

爸爸說：「筒筒作嘔，快啲抱佢入沙盤。」

我呆了一下。

爸爸說：「發咩呆呀你？」

爸爸起身，抱起筒筒之際，筒筒嘔在床墊上。

爸爸說：「叫你又唔郁。」

我說：「我都未訓醒。」

爸爸說：「太陽出晒嚟啦，仲未訓醒，睇吓。」

我說：「噢…….」

爸爸說：「嘔晒落我張床墊度啦。」

我說：「咁泵落洗衣機度洗囉。」

爸爸說：「你反應快啲，咪唔醒洗囉。」

我說：「嘩，我遠水你近火喎。而家筒筒對住你張床墊嘔，唔係對住我張床墊嘔呀。」

爸爸說：「咁你就係咁慢吞吞架啦。」

我說：「你見唔到我左手拖住皮皮，右手開門呀？」

爸爸說：「咁你睇唔到筒筒作嘔咩？」

我說：「睇到。不過我仲喺度睇緊另一樣嘢呀嘛！」

爸爸說：「咩嘢？」

我說：「我睇緊你坦咗喺張床度，筒筒喺正你隔離作嘔，你寧願大叫我番轉頭，自己都唔拿拿聲起身出手抱起筒筒。」

爸爸說：「呀，你嗰衰仔。」

我說：「抵你死，喺咁，走先。」

我拖著皮皮行出走廊，關門。

……

另一個我說：「筒筒好哋哋又會嘔嘅，又話主必保守？」

我說：「呢個世界充滿病毒污染架嘛，筒筒嘔都好正常。聖經寫住話「主必保守」，咁就係真架啦。筒筒嘔，主咪有安排醫生俾筒筒睇囉，下次覆診照超聲波嗰陣，可以拜托醫生檢查多次，睇吓具體問題係乜。」

另一個我說：「筒筒真係不幸。我過去咁多年都發生咗好多事，有啲主有保守，有啲主就冇保守。」

我說：「主邊有嘢會冇保守架？」

另一個我說：「如果主必保守，又點會有咁多不幸嘅事，發生喺我身上？」

我說：「呢個世界充滿罪，有不幸嘅事發生係好正常架咋，我童年夠冇咗嗰老豆囉。」

另一個我說：「我想作嘔呀，你而家有番嗰老豆，就喺度講埋呢啲風涼話。」

我說：「喂，如果主唔保守嘅，前面點會有路走出不幸呀？當年主有保守開路，我就出錢出力跟從主。主帶老豆番黎，我就獨排眾議，交足屋租、打開度門迎接老豆。」

另一個我說：「你遭遇不幸，主就保守你；我遭遇不幸，主就睇唔到！」

我說：「主一定睇到，信唔信由你。不過我而家仲聽到另一樣嘢，就唔到你唔信！」

另一個我說：「咩嘢？」

我說：「我而家聽到你係咁喺度哭喪，件不幸嘅事係發生喺你自己身上架。你自己嘅嘢，你寧願坦喺度搏命怨主唔保守，都唔死去求問主今日有咩新指示，即刻採取行動求變，走出不幸。」

另一個我說：「呀，你件垃圾基督徒，毫無同情心！」

我說：「抵你死，喺咁，走先。」