「急需求助，怎樣辦❓」
除了立即出口，還要立即郁手。
……
23/09/2022（五）21:00 家
一家人晚餐過後，我執拾行裝，開門。
媽媽說：「你去邊？」
我說：「返Band房。」
媽媽說：「又音樂呀？」
我說：「梗係啦。」
媽媽說：「唔好走住。」
媽媽走入房間，拿出一封信。
我說：「做乜？」
媽媽說：「幫我申請埋張信用卡先走。」
我說：「唔得。」
媽媽說：「點解？」
我說：「我有嘢做，趕時間。」
媽媽說：「申請埋張信用卡駛你好耐咩？」
我說：「唔駛好耐，但係我今晚唔會幫你。」
媽媽說：「點解呀？我之前咪同你講咗話要申請信用卡囉。」
我說：「我呢一年番親黎食飯，次次食完飯都趕住番Band房做嘢架啦。我今日6點已經番咗嚟，你喺要一直喺度睇Youtube睇到而家，我唔走你唔郁，唔攞嘢出嚟。」
媽媽說：「……」
我說：「唔緊要，我而家走先，下次幫你，係咁，拜拜。」
我行出門口，關門。
……
另一個我說：「係咪阿媽都唔幫呀？」
我說：「阿媽就梗係要幫啦。」
另一個我說：「幫你又走先？」
我說：「我都話趕時間，有嘢做囉，聽唔到呀？下次幫。」
另一個我說：「你趕住有嘢做，媽媽夠趕住申請信用卡囉！」
我說：「佢咁遲先攞封信出嚟，趕咩？」
……
另一個我說：「我係主嘅孩子，我有需要，主係咪一定幫我？」
我說：「一定幫。」
另一個我說：「咁點解我成日開口求問完，都唔見主出手幫嘅？」
我說：「點會咁架？」
另一個我說：「主應該唔會有嘢做，趕時間，走先掛？」
我說：「唔會。」
另一個我說：「主可以Multi-tasking，超越時空，無時無刻都可以幫到我先啱架？」
我說：「梗係。」
另一個我說：「真係咁嘅，點解我開咗聲咁耐，主都仲唔幫，我趕時間呀。」
我說：「你趕咩？」
另一個我說：「講到出口囉喎，仲唔趕呀？」
我說：「你好趕咩？唔見你郁手嘅？」
另一個我說：「郁手做乜？」
我說：「主叫你做乜咪做乜囉！你究竟急住想主幫你？定係急住想主幫你做埋你嗰份佢呀？」
發表新回應