本週反思#238💬

「主預備，我祈求，邊個先❓」

主先預備。

……

2022/05/17（二） Band房

另一個我說：「演藝覆咗未？」

我說：「覆咗啦。」

另一個我說：「咁報名啦。」

我說：「今年截咗止啦，下年再報名。」

另一個我說：「冇其他啦？」

我說：「有，問到要報讀BMus - Composition and Electronic Music（作曲及電子音樂學士課程）嘅話，係有兩次Audition，同埋總共要過五關。」

另一個我說：「第一關？」

我說：「Harmony（和聲），惦。」

另一個我說：「第二關？」

我說：「Aural Perception（聆聽），唔惦。」

另一個我說：「第三關？」

我說：「Composition Portfolio（作曲集），唔惦。」

另一個我說：「第四關？」

我說：「Keyboard Skills（鍵盤技巧），唔惦。」

另一個我說：「第五關？」

我說：「Harmony, Orchestration and Counterpoint（和聲、配器、對位法），唔惦。」

另一個我說：「五關有四關唔惦，點攪呀？」

我說：「星期四，實科嗰陣問主任。」

…….

2022/05/19（四） 16:00 香港國際音樂學校

實科演奏課

我把下學年想報讀演藝學院作曲及電子音樂學士，和所需應付的考核告訴主任。

主任說：「Um…無問題啦。」

我說：「有問題呀！我攪唔惦。」

主任說：「我意思係，IIM有人幫到你。」

我說：「邊個？」

主任說：「Aural Perception，搵郭sir。」

我說：「好。」

主任說：「Composition Portfolio，搵Dr. So。」

我說：「好。」

主任說：「Keyboard Skills，搵Charlie sir。」

我說：「好。」

主任說：「Harmony, Orchestration and Counterpoint，都係搵Dr. So。」

我說：「好，明白晒，非常感謝。」

……

2022/05/20（五） 19:00 香港國際音樂學校

我向Charlie sir求問，成功取得建議和協助，知道如何預備Keyboard Skills。

2022/05/27（一） 22:00 香港國際音樂學校

我向Dr. So求問，成功取得Dr. So的建議和協助，知道如何預備Composition Portfolio, Harmony, Orchestration and Counterpoint。

2022/05/29（三） 20:30 香港國際音樂學校

我向郭sir求問，成功取得郭sir的建議和協助，知道如何預備Aural Perception。

……

另一個我說：「前後兩個禮拜咋。」

我說：「噏乜呀？」

另一個我說：「你由收到演藝嘅資料開始，兩個禮拜就搵齊老師幫你，你話IIM係咪人才濟濟呀？」

我說：「我話唔係，你都唔信啦。」

另一個我說：「仲要佢哋成班都係基督徒。」

我說：「係呀。」

另一個我說：「佢哋成班基督徒，梗幫你嘅。」

我說：「老馮呀？基督徒就一定要幫，唔幫就唔幫架啦。」

另一個我說：「我唔同你嘈，不過你真係幾好彩，兩個禮拜俾你搵齊你下年考演藝需要嘅老師幫你。」

我說：「邊有咁多好彩？你試吓即刻離開IIM，兩個禮拜之內，搵齊你需要、有能力幫你，又肯幫你嘅基督徒音樂專科老師呀？」

另一個我說：「都唔知去邊度搵。」

我說：「咁你又話好彩？」

另一個我說：「咁唔係好彩係乜？」

我說：「預備。」

另一個我說：「你禱告之後主預備？」

我說：「冇可能。」

另一個我說：「主幾時預備？」

我說：「一早預備。」

另一個我說：「主幾早預備？」

我說：「喺我未禱告之前好耐，主已經開始預備。」

另一個我說：「你噏晒啦，神算呀？都唔駛證據嘅。計我話，從某個角度黎講，主一早有心幫你，喺你禱告前預備老師俾你，又得；從另一個角度黎講，主冇諗過要幫你，喺聽到你禱告之後俾你感動咗，再預備老師俾你，都得。」

我說：「我都唔知你喺度噏乜，語無倫次，無知到極點。主一定喺我未禱告之前已經預備好。」

另一個我說：「話我語無倫次，無知到極點？攞證據出嚟呀。」

我說：「你究竟知唔知培養同安排三個具備音樂能力、願意為主委身嘅基督徒音樂老師，喺同一間音樂學校出現黎幫你，究竟要幾耐呀？兩個禮拜呀？」

另一個我說：「呀你….」

我說：「呀你咁無知，送節經文俾你充實吓。」

「你們禱告，不可像外邦人那樣重複一些空話，他們以為話多了必蒙垂聽。 你們不可效法他們。因為在你們祈求以前，你們所需要的，你們的父早已知道了。」（馬太福音 6:7-8 RCUV）