「見證講不清，怎麼辦❓」
主或會安排我，寫。
……
24/04/2022 (六) 22:00 Band房
Zoom查經過後
另一個我說:「啱啱查經最尾嗰度咪討論一個好爭議性嘅問題嘅。」
我說:「哦，禱告可唔可以改變主嘅心意?」
另一個我說:「你咪大大聲話唔可以嘅。」
我說:「我好有氣勢呀?」
另一個我說:「唔係，除咗『唔可以』嗰三字好清楚之外，其餘嗰啲我唔知你噏乜，講到一舊舊呀。」
我說:「係呀？你都聽唔明，啲組員一定唔駛指意聽得明啦。」
另一個我說:「知就好啦。」
我說:「不過佢哋聽唔明都冇辦法，我都盡晒力講架啦。」
另一個我說:「你未盡晒力!」
我說:「堂都落埋囉喎，我仲有咩可以做?」
另一個我說:「你整理一下想講嘅嘢，一有機會就再講清楚。」
我說:「嘩，整理要唔少時間心機嗰喎。」
另一個我說:「你講完未?」
我說:「做咩?」
另一個我說:「講完就開工啦。」
....
28/04/2022（四）14:00 鑽石山大家樂
我跟教友午餐聚會。
我說:「想問你一條問題。」
教友說:「問啦。」
我說:「禱告可唔可以改變主嘅心意?」
教友說:「唔可以。」
我說:「點解?」
教友闡述一番。
我說:「我都認為唔可以。」
教友說:「明白。」
我說:「其實我上個禮拜查經嗰陣同組員表述過一次，不過講到一舊舊，早兩日我整理咗一下我嘅經歷，想分享俾你聽下，睇吓你聽唔聽得明，得唔得?」
教友說:「好。」
我根據整理好的資料，表述一次為何我認為禱告不可以改變主嘅心意。
教友說:「好好，你考慮一下將你整理嘅資料寫成一篇見證。」
我說:「都好，遲啲寫。夠鐘啦，要番學校上實科演奏。」
....
30/04/2022（六）12:07 WhatsApp
教友傳來短訊。
教友說:「如果可以的話，我真係想睇吓你寫嗰篇見證。」
我說:「可以，多謝鼓勵，我有時間寫好就分享出嚟。」
教友說:「謝謝。」
…..
30/04/2022（六）15:30 佐敦
我完成課堂，出去購物，準備五時在香港文化中心觀看「太古樂賞:與作曲家約會」的音樂會。
另一個我說:「買完嘢未?」
我說:「買完啦。」
另一個我說:「即刻行過去文化中心。」
我說:「駛乜咁急呀?仲有成個半鐘。我諗住去通利琴行睇吓嘢，駛吓消費卷。」
另一個我說:「你Band房已經有好多書喺度，一頁都未揭開過，睇完先買，即刻去文化中心。」
我說:「咁急去文化中心做咩?」
另一個我說:「坐定定寫見證，主都派教友提咗你兩次囉。」
我說:「唉，得閒先。」
另一個我說:「你想拖到幾時呀？你而家咪好得閒囉，行啦，寫好今晚可能要用。」
我說:「今晚用?」
另一個我說:「Maggie星期四咪講咗話，今個禮拜嘅經文比較簡單，會用啲時間補充上星期六未完 成嘅題目:禱告可否改變神的旨意?到時有機會，你就要再講清楚你嘅諗法架啦。」
我說:「咁講咪得囉，見證遲啲先寫。」
另一個我說:「你上次已經講到一舊舊，你有信心今晚講幾分鐘就得啦?」
我說:「唔肯定。」
另一個我說:「唔肯定就寫啦，即刻行過去文化中心坐定定寫見證。」
......
30/04/2022 (六) 17:00 香港文化中心演奏廳
我寫完見證之際，後方傳來聲音。
聲音說:「葉偉雄。」
我轉身看看。
我說:「主任。」
場地響起宣佈:「表演即將開始，請關上手提電話。」
發表新回應