本週反思#219💬

「困局獨力難解，怎麼辦❓」

呼求，因主早派使者四圍安營預備搭救。

…….

10/03/2022（四）10:00 Band房

另一個我說：「肚痛。」

我說：「去廁所啦。」

我去完洗手間，返回Band房門口。

我說：「企喺度做乜？開門啦。」

另一個我說：「頭先急得滯，抽鎖匙漏咗喺嗰袋度。」

我說：「嗰袋呢？」

另一個我說：「喺門後面。」

我說：「唔緊要，我早知你係咁甩漏，掛喺條頸度隻USB扣住條鎖匙。」

另一個我說：「隻USB插咗落部電腦度。」

我說：「點解會咁架？」

另一個我說：「未肚痛之前，想開電腦做嘢呀嘛。」

我說：「唔緊要，我仲有殺手鐧，掛喺條頸度嗰八達通咭套都扣住條鎖匙。」

另一個我說：「八達通咭套都除埋出嚟。」

我說：「點解又會咁架？」

另一個我說：「我想飲水，嗰掛頸八達通咭套阻住。」

我說：「而家點算呀？你11:30要上Logic Pro X。」

另一個我說：「我都唔知點算。」

我說：「爆鎖。」

另一個我說：「爆鎖好貴架。」

我說：「貴都要爆架，破財擋災。」

另一個我說：「唔得，唔得，有錢都唔爆得。」

我說：「點解呀？」

另一個我說：「間Band房租架，要問過業主先得。」

我說：「你冇得救呀你！」

另一個我說：「死啦死啦。」

我說：「呀唔係，你有得救！」

另一個我說：「啱啱又話冇得救？」

我說：「啱啱諗唔到點救，而家諗到。」

另一個我說：「咁點救？」

我說：「打俾你同學求救。」

另一個我說：「係喎，主一早搵咗個同學同我分租band房嗰喎。」

…….

我致電同學。

我說：「喂，早晨。」

同學說：「喂，早晨。」

我說：「我有嘢想向你求救。」

同學說：「咩事？」

我說：「我去廁所之前鎖門，但係冇帶鎖匙，而家入唔番band房，11:30要上Logic，啲嘢喺晒裏面。你11:00左右，落唔落到嚟band房？」

同學說：「可以，而家過嚟。」

……

另一個我說：「死好命呀你。」

我說：「你淨係識得喺我耳邊鬼食泥，主動打電話求救嗰個係我呀。」

另一個我說：「話時話，無啦啦又會俾你諗起個同學嘅？」

我說：「我諗起主，就諗起我同學啦。」

另一個我說：「關主咩事？」

我說：「主自己喺詩篇34章7節講話，佢嗰啲使者，會喺好似我呢啲敬畏佢嘅人四圍安營，搭救我架嘛。間band房得嗰四部牆，見黎見去就係同我分租嘅同學啦。」

另一個我說：「主講你就信呀？」

我說：「唔信嘅，頭先我點會打電話俾我同學求救呀？」