「如何過窄門，尋見耶穌❓」
撇下一切所有。
......
另一個我說：「你當年決志信主個陣，身邊邊個支持你？」
我說：「哈哈，記憶中好似一個都冇。」
另一個我說：「你話信主，媽媽咩反應？」
媽媽說：「阿仔，你係咪撞邪呀？」
另一個我說：「你話信主，爸爸咩反應？」
爸爸說：「番邊間教會？係咪邪教黎架？駛唔駛奉獻呀？」
另一個我說：「你話信主，妹妹咩反應？」
我說：「佢咩都冇講。」
另一個我說：「你話信主，二姨媽咩反應？」
二姨媽說：「讀番書嗰啲人係咁，唔聽人講嘢，同佢講都嘥氣。」
另一個我說：「你話信主，大姨媽咩反應？」
大姨媽說：「你大表哥係加拿大讀書個陣夠話信耶穌啦，仲領埋洗添，番黎咪又係日日莊香上山拜神拜祖先，你唔好攪咁多嘢啦。」
另一個我說：「你話信主，大表哥咩反應？」
我說：「佢繼續莊香拜神。」
另一個我說：「你話信主，二表哥咩反應？」
二表哥說：「要信咪由佢信囉，以後佢有佢信耶穌，我地有我地拜神。」
另一個我說：「你話信主，爸爸鄉下班親戚咩反應？」
親戚說：「信咗耶穌，唔莊香架，唔駛番黎拜死鬼阿嫲啦。」
另一個我說：「你話信主，你中學領咗洗嗰個好朋友咩反應？」
好朋友說：「我就冇再番教會架啦，信唔信，你自己諗啦。」
另一個我說：「聽到佢地既反應，你咩反應呀？」
我說：「我咪決志信主囉。」
另一個我說：「咁你啲屋企人、親戚、好朋友點算？」
我說：「全部撇下。」
發表新回應