「主，錫晒我一個❓」
也愛其他人。
…….
08/03/2024（五）0800 樂天冰室
與數年前的浸大學生聚餐。
我說：「開咗學忙唔忙？」
學生說：「唔係好忙。」
我說：「竟然。你而家讀緊翻譯嗰喎？」
學生說：「係呀。」
我說：「讀翻譯應該好忙嗰喎。」
學生說：「唔係呀。」
我說：「竟然，俾個上課時間表嚟睇吓。」
學生說：「好。」
我說：「咦，你六科得兩科係要直接要翻譯咋喎。」
學生說：「係呀。」
我說：「咁咪唔夠翻譯經驗囉。」
學生說：「我都覺得我譯得唔夠快。」
我說：「呀，我有個提議。」
學生說：「咩提議？」
我說：「我演藝之前讀作曲嗰間音樂學校，搵我幫手做歌劇翻譯。」
學生說：「係。」
我說：「但係我音樂嗰邊又好忙，不如……你幫我做一譯，攞啲翻譯實戰經驗，跟住我做二譯校對，好唔好？」
學生說：「好喎。」
我說：「Send嗰原文俾你睇。」
學生看了原文。
學生說：「好，一譯就交俾我，幾時要？」
我說：「兩個禮拜時間，3月22號，2359之前。」
學生說：「好。」
我說：「就咁話。」
…….
另一個我說：「你忙就咪幫手做歌劇翻譯啦。」
我說：「我係忙，但係我想做嘅，總會搵到時間。」
另一個我說：「你搵到時間，自己又唔譯？」
我說：「時間係總會搵到，但唔係代表多。」
另一個我說：「你唔譯，就卸膊俾你學生譯？」
我說：「我學生修讀翻譯，缺實戰經驗，我先建議佢譯。」
另一個我說：「偷懶就偷懶啦。」
我說：「我懶就唔做二譯同校對啦。」
另一個我說：「咁你都慳番唔少時間攪你啲音樂啫。」
我說：「哈哈。」
另一個我說：「主錫晒你啦，幫你慳咁多時間。」
我說：「啱三分一。」
另一個我說：「另外三分二係咩？」
我說：「分別係主都錫我學生，安排翻譯實戰機會；同埋主都錫音樂學校，攪惦歌劇劇本翻譯。」
發表新回應