「有關係的群體，必定有什麼❓」
交流互動。
…….
29/05/2023（一）11:00 日本文化協會
同學走近。
同學說：「你叫咩名？」
我說：「我姓葉，叫我偉雄得啦。」
同學說：「你係咪會一直繼續讀呢班架？」
我說：「呢個學期係。」
同學說：「咁下個學期呢？」
我說：「未知。」
同學說：「點解？」
我說：「九月開學，出咗時間表先知。」
同學說：「九月開學？你除咗日文，仲讀咩？」
我說：「作曲。」
同學說：「作曲？喺邊度讀？」
我說：「演藝。」
同學說：「哦，演藝。你嗰樣唔似識作曲喎。」
我說：「係咩？」
同學說：「唔緊要啦。其實我哋有個班Group，想問下你入唔入？」
我說：「入呀。」
同學說：「咁我加你入Group啦。」
我說：「好呀。」
……
29/05/2023（一）13:00 日本文化協會
老師說：「じゃあ、みんなさん、これで終わります。」
我離開。
……
電話響起。
同學說：「葉同學，你漏咗個盒喺課室喎。」
我說：「吓？係喎，我支單簧管。」
同學說：「我幫你擺咗喺Counter，你上番嚟攞。」
……
我一出電梯，返回counter，取回單簧管，看見同學。
我說：「唔該晒你。」
同學說：「唔駛。」
我說：「要多謝架，你專登打電話通知我。」
同學說：「我哋同一Group架嘛，有事梗係通知你。」
……
另一個我說：「你哋同一Group？」
我說：「係呀，普二日本語同學Group。」
另一個我說：「咁快當自己係同一Group？」
我說：「加入咗組仲唔同一Group呀？」
另一個我說：「我入咗基督徒群組幾年，都未敢話自己同人係同一Group。」
我說：「點解呀？」
另一個我說：「我喺嗰組幾年都完全感覺唔到，自己同組員係同一Group。」
我說：「你同組員，平日有冇喺WhatsApp傾吓偈？」
另一個我說：「冇，WhatsApp講嘢好易有誤會架。」
我說：「你同組員，有冇見吓面？」
另一個我說：「冇，我好忙，唔得閒出席聚會。」
我說：「Zoom查經咪見到面囉。」
另一個我說：「我唔方便開Cam。」
我說：「咁好似我咁出事，你都會出聲掛？」
另一個我說：「出事自然有人會出聲架啦，唔駛我。」
我說：「咁你即係冇溝通啦，你同主嘅肢體都唔係同一Group。」
另一個我說：「我入咗基督徒群組架。」
我說：「吓，你都冇溝通，邊個係你組員？乜組裏面有人識你嘅咩？」
發表新回應