「用心出力，就是耶穌的門徒❓」
不撇下一切所有的，根本不是耶穌的門徒。
......
02/12/2020（三）19:00 家
學生說：「跟你學咗英文咁多年，唔知點解，聆聽同埋說話都係攪唔掂。」
我說：「正常，學咗拼音一陣，你就話要學寫作，都冇再攪拼音囉。」
學生說：「但係我一直自己都有練習架。」
我說：「點練？」
學生說：「我番屋企有俾心機聽吓英文新聞，但係聽黎聽去都係咁。」
我說：「正常，你唔學拼音，直接聽，根本就唔識啲字母同聲音嘅關係。」
學生說：「咁樣聽多啲，點都有啲進步掛？」
我說：「咁聽法其實只係喺度死背啲聲音，段新聞都未播完，隻字點讀你已經唔記得晒啦，係咪？」
學生說：「......」
我說：「個個學生同我講想改善聆聽同說話，我一定要佢學拼音。」
學生說：「聆聽同說話，我一直都有俾心機學。」
我說：「你一直都俾心機跟你自己嘅方法學咋。」
學生說：「咁俾心機，唔多唔少都會有啲進步掛？」
我說：「你問你自己啦，聆聽同說話，你一直都唔係跟緊我學，你跟緊你自己學咋嘛。」
......
另一個我說：「跟咗耶穌咁多年，唔知點解，都好似咁上下咁，生命冇咩轉變。」
我說：「點解呀？」
另一個我說：「我都唔知，我一直自己都有俾心機跟。」
我說：「跟咗啲咩？」
另一個我說：「敬拜、奉獻、聚會、關愛......咩都做齊。」
我說：「神話除我以外，不可有別的神，你阿爸阿媽清明叫你莊香拜土地，咁你莊唔莊，拜唔拜？」
另一個我說：「係咁二都要莊下、拜下嘅，阿爸阿媽養到我咁大。」
我說：「神話要什一奉獻，你老婆話有錢不如俾佢幫你儲埋佢，咁你點？」
另一個我說：「咁咪奉獻少啲，俾啲佢儲埋佢囉，佢都係為我好姐。」
我說：「神話不可停止聚會，你啲仔女話番教會好悶，咁你點？」
另一個我說：「仔女係我生嘅，梗係要陪住佢地先架啦，教會啲弟兄姊妹講都尾都唔係同一個阿媽生嘅。」
我說：「神話要愛鄰舍，屋企班弟兄姊妹話你多事，咁你點？」
另一個我說：「咁多鄰舍，咪下次先愛囉，打死不離親兄弟，以和為貴呀嘛。」
我說：「我都唔知你跟緊邊個？」
另一個我說：「耶穌囉，我一直俾心機跟架。」
我說：「你一直都係度俾心機跟你阿爸、跟你阿媽、跟你老婆，跟你嗰仔，跟你嗰女，跟你啲弟兄姊妹，同埋跟你自己咋嘛。」
學生說：「咁我都有俾心機，生命唔多唔少都有啲轉變掛？」
我說：「你問你自己啦，你根本一直都唔係耶穌嘅門徒。」
發表新回應