本週反思#215💬

「僅僅合格，正唔正❓」

正，可以隨主繼續向前邁進。

……

19/01/2022（三）16:00

電子郵箱傳來郵件。

另一個我說：「有email。」

我說：「email日日都有架啦。」

另一個我說：「呢封email唔係叫你申請多張信用卡。」

我說：「咁係咩？」

另一個我說：「我睇到好似喺Trinity（聖三一）寄過黎。」

我說：「聖三一音樂學院樂理文憑考試？」

另一個我說：「係呀，仲唔開郵箱？」

我說：「即刻黎。」

我打開電子郵箱，看到郵件 THKMC (Trinity Hong Kong Music Centre) Theory of Music Exam Result Slips［聖三一（香港）音樂中心樂理文憑考試成績通知書］。

另一個我說：「郵件最底有嗰PDF，打開黎睇吓。」

我說：「好。」

我打開PDF。

另一個我說：「咩黎？」

我說：「考試成績表。」

另一個我說：「報分。」

我說：「有成四個分喎。」

另一個我說：「報晒黎，第一個分？」

我說：「技術，18/30。」

另一個我說：「第二個分呢？」

我說：「溝通，19/30。」

另一個我說：「第三個分呢？」

我說：「音樂風格認知，18/30。」

另一個我說：「第四個分呢？」

我說：「綜合能力，05/10。」

另一個我說：「總分幾多？」

我說：「60/100。」

另一個我說：「幾多分合格？」

我說：「60分合格，80分優異。」

另一個我說：「咁你咪即係僅僅合格？」

我說：「全中，正！」

另一個我說：「仲正？」

我說：「正！」

另一個我說：「不知所謂，知唔知自己距離優異好遠？」

我說：「我知有好多進步空間。」

另一個我說：「知，咁仲正？」

我說：「正！主而家助我一剔考過聖三一樂理文憑試喎，賜咗向下一個目標嘅前進空間，俾我呢個由細到大都冇學過音樂、三十幾歲先半途出家由翻譯轉為業餘學音樂嘅人，咁都仲唔正？」

另一個我說：「….…」

我說：「起錨啦。」