「魚或餅，只能二選一❓」
若主認為有需要，皆可分派。
……
05/09/2021（日）22:00 餐廳
我和同學完成AmusTCL樂理試題練習。
同學說：「我想喺呢頭租嗰地方。」
我說：「做音樂工作室呀？」
同學說：「係呀。」
我說：「點解想有個工作室？」
同學說：「平時屋企好嘈。」
我說：「咁練唔練到樂器？」
同學說：「好難。」
我說：「其實我都想租過地方做音樂工作室。」
同學說：「吓？」
我說：「屋企擺咗部數碼琴，就冇地方擺其他嘢啦。」
同學說：「哦。」
我說：「我想買部三角琴，數碼琴錄音就好，練手指就真係差啲。」
同學說：「係呀。」
我說：「如果你真係搵到嗰地方，我可唔可以夾一份，擺部三角琴喺度，其他位你用。」
同學說：「可以呀！我一個人租皮費都重。」
我說：「其實黎緊呢兩年開咗學嗰陣，我多數都係星期五、六、日夜晚先會用。」
同學說：「我用嗰啲時間你番緊工。」
我說：「係呀，咁你積極考慮吓，我打探一下三角琴嘅資料先。」
……
另一個我說：「你今年五月尾準備學生音樂會搵鋼琴嗰陣，好似都祈禱同主講過，話想租地方做音樂工作室？」
我說：「係呀。」
另一個我說：「都幾個月前嘅事啦。」
我說：「差唔多四個月前啦。」
另一個我說：「嘩，成四個月前嘅禱告，主仲記住，離晒譜。」
我說：「我需要一部鋼琴，最好就三角琴，用黎練手指，屋企都冇地方。」
另一個我說：「咁你一直都唔去租？」
我說：「自己一個租，皮費好重呀嘛，我又唔係日日得閒用。」
另一個我說：「咁點算？」
我說：「咪用部數碼琴練住先，要錄影嗰陣咪搵人借鋼琴囉。」
另一個我說：「咁唔掉咗部數碼琴佢，換部鋼琴？」
我說：「數碼琴好多功能都好好用架，尤其係錄音，夜晚練琴仲可以較低嗰音量添。」
另一個我說：「即係屋企要數碼琴錄音，出面就想租嗰地方擺部鋼琴練手指，不過一個人租就負擔太重啦。」
我說：「全中。」
另一個我說：「你已經有魚食啦，仲伸手要餅，真係唔要面！」
我說：「對住主，我唔駛要面。」
另一個我說：「正常都係一人揀一樣，你而家又魚又餅，冇可能架！」
我說：「有可能架，主認為我有需要嘅，可以派完魚再派餅架。」
另一個我說：「你話派就派呀？」
我說：「唔係，一直都係主話事。」
另一個我說：「知就好啦。」
我說：「不過主而家搵嗰同學過黎同我講，話想租個地方做音樂工作室，好似派完魚又有餅派咁，咁我兩樣都有需要嘅，就梗係搏命求架啦。」
發表新回應