「互相款待，預備什麼最好❓」
少操心，多留意，主自有安排。
……
05/08/2021（四）11:00 香港國際音樂學校
主任說：「你幾時考？」
我說：「8月24，夜晚9點3。」
主任說：「即係幾多日之後？」
我說：「19日。」
主任說：「咁時間差唔多啦。」
我說：「吓？」
主任說：「彈晒考試嗰三首黎聽。」
我說：「哦。」
我一口氣奏完三首。
主任說：「多啲搵人聽你彈，再錄影。」
我說：「哦。」
主任說：「不過你屋企個數碼琴唔得，要鋼琴。」
我說：「哦。」
……
另一個我說：「諗住點，祈禱呀？」
我說：「祈咗啦，等你？」
另一個我說：「祈咩？求神變部鋼琴同一班觀眾出嚟俾你呀？」
我說：「你當神係叮噹呀？要乜就伸手入個百寶袋攞！」
另一個我說：「咁即係求咩姐？三十幾歲人，咪再玩神秘啦。」
我說：「我求神搵人接待我。」
另一個我說：「搵咩人接待你？」
我說：「屋企有鋼琴嘅人。」
…….
05/08/2021（四）12:24 Signal
我跟教友述說考試預備需要。
我說：「我可唔可以，過嚟借你部鋼琴彈晒三首考試歌，再拍片。」
教友說：「可以呀。」
我說：「嘩，多謝晒。」
……
07/08/2021（六）19:30 教友家中
我開始熱身，練習要錄影的歌曲。
教友夫婦端出飯菜。
我說：「多謝晒。」
晚餐過後，我開始錄影，教友夫婦作我的聽眾。
我說：「錄完啦。」
教友說：「咁快。」
我說：「不知不覺都攪咗嗰幾鐘架啦。」
教友說：「係喎。」
我說：「你練琴又練成點呀？不如彈首黎聽吓。」
教友試奏兩句。
教友說：「我節奏唔得。」
我說：「咁不如試吓玩黎嗰app，我第二學期開始玩。」
教友下載app，我試玩一次。
我說：「你平時有冇數下節奏？」
教友說：「都冇乜。」
我說：「咁不如試吓呢個讀節奏嘅系統，免費下載，我練過，好得！」
教友下載節奏系統PDF檔，我試讀一次。
我說：「感謝租咗部琴兩嗰鐘俾我錄影，聽我奏，同埋請我餐飯。」
教友說：「我都多謝你介紹嗰app同埋節奏系統俾我。我攪咗好耐，好簡單嘅節奏，都未攪得惦。」
…….
另一個我說：「喂，你幾時預備架？」
我說：「幾時預備啲咩？」
另一個我說：「回禮囉。」
我說：「回咩禮呀？」
另一個我說：「人哋接待你，借部琴俾你錄影，仲請埋你食飯；咁你一早預備嗰app同埋嗰節奏系統回禮囉。」
我說：「去做編劇啦你，我點一早預備呀？」
另一個我說：「點解唔可以？」
我說：「我去到，教友講，再試彈，我先知佢節奏有問題。」
另一個我說：「呀，又係喎。」
我說：「不過，就算…當…我一早知道佢節奏有問題，我根本都唔駛一早預備？」
另一個我說：「點解？」
我說：「嗰app上app store搜尋就有架啦，嗰PDF上Google搵都即有，你咁鬼鍾意一早預備，咪而家即刻上去down定備用囉。」
另一個我說：「咪住，你點知道嗰app？」
我說：「第一學期，我已經發覺自己節奏唔惦，主同我一齊上app store搵嘅。」
另一個我說：「咁嗰節奏系統你又點識架？」
我說：「喂，視唱練耳，係高級證書成個學年嘅必修科黎架，神第一學期就叫主任教架啦，攪唔惦點畢業呀？仲話學人下年讀作曲！」
另一個我說：「喂，我而家俾你攪到好亂，咁即係下次互相款待嗰陣，究竟預唔預備好呀？」
我說：「你想預備咪預備，唔預備咪唔預備囉。」
另一個我說：「如果想預備，預備咩最好？」
我說：「咩最好，你少操心，主自有安排。」
另一個我說：「我唔操心，主就會話我知佢有咩安排架啦？」
我說：「主嘅安排，要成日好留意先搵到。」
發表新回應