「主賜失敗的機會，你會爭取嗎❓」
我會，因為我想鍛煉耐性。
……
14/04/2024（一）1000 香港演藝學院作曲及電子音樂室
作曲老師離開。
另一個我說：「真係唔知恭喜你好，定慰問你好。」
我說：「恭喜我啲乜？」
另一個我說：「恭喜你條片終於過咗。」
我說：「咁慰問我啲乜？」
另一個我說：「慰問你後製工作即將開始，要試新嘢，唔知點算好？」
我說：「試咩新嘢？」
另一個我說：「降噪、剪片、調速、分螢幕……全部都係新嘢，我好怕。」
我說：「試新嘢，點解要怕？」
另一個我說：「試新嘢，即係準備失敗。」
我說：「點解？」
另一個我說：「你未做過，盲摸摸，亂咁嚟，實出錯，我最怕錯。」
我說：「怕都要做，唔識咪上YouTube學，再唔係就向人請教囉。」
另一個我說：「咁仲可怕。」
我說：「又有咩好怕？」
另一個我說：「咁問法，問到幾時？曬晒啲時間。」
我說：「怕都要做。」
另一個我說：「仲有一樣係最可怕。」
我說：「咩嘢最可怕？」
另一個我說：「你花咗好多時間試去做，都做唔好，過唔到你老師，最終得嗰吉。」
我說：「點會得嗰吉呀？就算所有嘢都唔過，主都有嘢俾我。」
另一個我說：「俾咗嗰徹底失敗你呀？」
我說：「俾咗嗰機會我經歷點樣走過失敗，鍛煉耐性。」
另一個我說：「簡單黎講，即係重做啦，呢啲嘢我唔要，我決定罷工。」
我說：「我缺耐性，你唔要我要，我開工。」
…….
20/04/2024（六）1400-1800 Band房
我花了四小時，嘗試完成第一次影片後期製作。
發表新回應