「百忙，為何還想抽空呢❓」
因為愛。
……
19/02/2024（一）1830 香港國際音樂學校 圖書館
我坐在長凳，打開電腦，作曲。
對面連接辦公室的一扇門打開，走出來的學校行政主任。
行政說：「新年快樂。」
我說：「新年快樂。」
行政說：「點呀？演藝嘅生活開唔開心呀？」
我說：「開心。」
行政說：「忙唔忙？」
我說：「超忙。」
行政說：「忙咩？」
我說：「嗰個學期都要作曲發佈，嗰個禮拜都要測驗，日日都要寫嘢練嘢……」
行政說：「加油呀，未來作曲家。」
我說：「會盡力。」
行政說：「係啦，咁你仲有冇時間？」
我說：「想做咩？」
行政說：「想你幫手翻譯。」
我說：「翻咩？」
行政說：「學期尾七月初嘅Opera（歌劇）。」
我說：「唔…」
行政說：「有咩考慮？」
我說：「上年Musical（音樂劇）啲翻譯要得幾急，我怕一吓撞正我APA嗰邊忙啫。」
行政說：「放心，今次時間充裕好多。」
我說：「多幾多？」
行政說：「出咗稿俾詳細資料你。」
我說：「好。」
…….
另一個我說：「你好得閒咩？」
我說：「關你咩事？」
另一個我說：「你唔駛作曲呀？」
我說：「一埋電腦就作啦。」
另一個我說：「你唔駛視唱呀？」
我說：「一上地鐵就唱啦。」
另一個我說：「你唔駛吹Clarinet呀？」
我說：「一番band房就吹啦。」
另一個我說：「你唔駛指揮呀？」
我說：「一行路就指啦。」
另一個我說：「你唔駛教書呀？」
我說：「呀……你問完未呢？」
另一個我說：「你仲邊有時間啫？」
我說：「時間呢啲嘢，擠咪有囉，想做就擠到出嚟架啦，行政都話呢次時間充裕啲囉。」
另一個我說：「做乜仲想做？你都係演藝嘅人囉。」
我說：「我愛音樂學校囉，音樂學校幫過我架。」
另一個我說：「幫過你啲咩？」
我說：「幫我考入演藝，冇學校老師教我，同學幫我，我自己有本事考入去咩？」
另一個我說：「你有交學費，冇欠佢哋架。」
我說：「我都冇講過話我欠佢哋，我話我想做咋嘛。」
另一個我說：「…….」
我說：「唉，算啦，唔想幫音樂學校就算啦，咁主呢？」
另一個我說：「主咩呀？主駛我幫咩？」
我說：「梗係唔駛啦，主創天造地架。」
另一個我說：「咪係囉。」
我說：「不過主鍾意你回應佢，為佢做嘢。咁主叫你，你想唔想做呀？」
另一個我說：「睇吓做咩啦。」
我說：「有咩唔做？」
另一個我說：「睇吓有冇時間啦。」
我說：「你日日作曲，指揮，視唱，練樂器…….仲要教書，仲有時間咩？」
另一個我說：「咁睇下自己想唔想擠啲時間出嚟啦。」
我說：「咁你愛唔愛主呀？」
發表新回應