「主權，在那體現❓」
萬有。
……
03/10/2023（二）12:32 WhatsApp
浸大上司傳來訊息。
上司說：「葉sir。」
我說：「早晨。」
上司說：「有班想搵你幫手教。」
我說：「吓？開咗學嗰囉喎。」
上司說：「係呀，有同事走。」
我說：「但我讀緊書，啲時間……」
上司說：「Send嗰時間表，學院同你夾。」
我說：「感謝。」
……
06/10/2023（五）18:34 WhatsApp
浸大前同事傳來訊息。
前同事說：「Hi, 葉 sir。」
我說：「Hi。」
前同事說：「City U 而家有課程搵緊老師教。」
我說：「City U？」
前同事說：「我過咗City U做。」
我說：「哦。」
前同事說：「你有冇時間幫手教？」
我說：「要咩時間？我而家讀緊書喎。」
前同事說：「一班喺星期四下晏 2:30至5:30；另一班星期六朝早9:00至12:00。」
我說：「星期四下晏 2:30至5:30嗰班我OK，不過…」
前同事說：「不過咩呀？」
我說：「不過我只確定上學期，即2024年1月20號之前OK，第二學期時間表未出，未知O唔OK。」
前同事說：「咁你咪簽住上學期先囉。」
我說：「可以咁呀？」
前同事說：「可以。」
我說：「多謝。」
前同事說：「咁我叫行政同事跟進，再聯絡你。」
我說：「好。」
……
另一個我說：「好等錢洗呀？」
我說：「梗係，一闊三大，有出無入，坐食山崩。」
另一個我說：「食得咸魚抵得喝。」
我說：「好喝，而家要去搵水。」
另一個我說：「十月都黎咗，開晒學啦。」
我說：「係呀。」
另一個我說：「咩開課時間表都定晒啦。」
我說：「係呀。」
另一個我說：「咩老師都請晒啦。」
我說：「係呀。」
另一個我說：「咁點解你仲有得撈？」
我說：「有人事變動掛？」
另一個我說：「人事變動到時間表都就埋你番學時間？」
我說：「唔可能，咁一定預先有編排。」
另一個我說：「邊個呀？HKBU 同 City U呀？」
我說：「如果你係HKBU或者City U，會唔會騷我呀？」
另一個我說：「癡線，點解要騷你？」
我說：「咁咪係囉。」
另一個我說：「但係而家兩間U唔單止唔係被動等你叫，而係BU主動搵你夾時間，City U仲離譜，預先夾好晒咗時間，再主動搵你！咁兩間U騷緊邊個？」
我說：「梗係主啦，唔通係我呢個Small Potato咩？」
發表新回應