本週反思#300💬

「眼前虧，如何吃❓」

定晴主預備的遠景。

…….

04/10/2023（三）20:15 香港音樂專科學校

老師到達。

老師說：「好，開始。」

我說：「Moon River？」

老師說：「一陣先， Recuerdos de la Alhambra，即刻黎。」

我說：「有冇Clarinet譜？」

老師說：「哎呀，冇整。Sight-read（視譜），即刻Transpose（移調）。」

我說：「吓？做唔到喎。」

老師說：「咁攞住嗰手鈴。」

我說：「唔吹Clarinet（單簧管）啦？」

老師說：「冇移調譜你都吹唔到，咁咪攞手鈴打住節奏先。」

我接過手鈴。

我說：「好，黎呀。」

Recuerdos de la Alhambra 合奏練習完成。

……

老師說：「下一首。」

我說：「Moon River？」

老師說：「一陣先， Yesterday，即刻黎。」

我說：「吓？」

老師說：「你繼續用手鈴打節奏。」

我說：「哦。」

Yesterday 合奏練習完成。

…….

老師說：「下一首。」

我說：「Moon River？」

老師說：「一陣先， Autumn Coming，即刻黎。」

我說：「吓？」

老師說：「你繼續用手鈴打節奏。」

我說：「哦。」

Autumn Coming 合奏練習完成。

…….

老師說：「最後5分鐘，Moon River。」

我拿起單簧管。

老師說：「你都係繼續用手鈴打住節奏先。」

我說：「但係我準備好囉喎。」

老師說：「你新加入，下堂先。佢哋就快要表演，想聽一聽佢哋先。」

…..

另一個我說：「你唔係吹Clarinet嘅咩？」

我說：「係呀。」

另一個我說：「咁阿sir又叫你打手鈴？」

我說：「我Sight-read（視奏）未得，未可以即刻Transpose（移調）囉。」

另一個我說：「咁最尾又唔俾你奏？」

我說：「都話就快要表演囉。」

另一個我說：「咁即係冇得吹Clarinet啦！我係Clarinet呢架，我唔打手鈴。」

我說：「你唔打我打。」

另一個我說：「點解咁Cheap呀你？」

我說：「阿sir又冇話以後都唔俾我吹Clarinet，佢話今日我未得，叫我打住手鈴，夾住節奏先，合奏都要夾節奏架。」

另一個我說：「嚟個眼前虧，我食唔落。」

我說：「你食唔落，我食得落。」

另一個我說：「點食得落呀？」

我說：「望遠啲，朝住嗰遠境行，就冇咁介意食眼前虧架啦。」

另一個我說：「遠啲有咩景望？」

我說：「有主預備俾我嘅遠景囉。」

另一個我說：「主預備咗咩遠境？」

我說：「成功嘅音樂合奏。」

另一個我說：「你又知主預備咗嚟個遠景俾你？」

我說：「我學咗Clarinet兩個月，主已經送我入合奏組囉喎。一個成功嘅音樂合奏，唔可能唔係主預備俾我嘅遠景呢嘅！」

另一個我說：「咁鍾意吃眼前虧呀嘛，今晚番band房繼續食啦。」

我說：「今晚番band房唔食啦，要練Clarinet，要繼續向主預備俾我遠景前行。」