「如何跟主安排的鄰舍，交流互動❓」
應機，講嘢。
…….
30/04/2023（日）13:00 家
我說：「條件句第三種，條件嗰句用咩時態？」
學生說：「……」
我說：「虛擬過去完成式。」
學生說：「……」
我說：「結果嗰句呢？」
學生說：「……」
我說：「虛擬將來完成式。」
學生說：「……」
我說：「記唔記得點解用呢兩個時態？」
學生說：「……」
我說：「記唔記得過去完成式原本點用？」
學生說：「……」
我說：「記唔記得將來完成式原本點用？」
學生說：「……」
我說：「落堂。」
學生說：「吓？落堂……」
我說：「你冇嘢講，仲唔落堂想點？」
學生說：「我……」
我說：「原來你仲識講嘢，我以為你啞咗。」
學生說：「哈……」（尷尬）
我說：「做乜十問九唔應？」
學生說：「我唔識答。」
我說：「點解你唔應我，你唔識答呀？」
學生說：「我驚答錯。」
我說：「點解你唔應我，你驚答錯呀？」
學生說：「我都唔知講咩好。」
我說：「點解你唔應我，你都唔知講咩好呀？」
學生說：「冇諗過。」
我說：「咁你諗下先。」
學生說：「諗唔到嘢講，咁點呀？」
我說：「落堂，諗到下堂再講。」
…….
另一個我說：「駛唔駛走得咁快呀？」
我說：「冇嘢講又唔準走，坐監呀？」
另一個我說：「主耐性好好，唔會走咗去。我禱告就算咩都唔講，主都知我想點。」
我說：「但係主叫我哋禱告嗰陣，咩都要講嗰喎。」
另一個我說：「但係我真係唔知講咩好呀嘛。」
我說：「咁我閃先。」
另一個我說：「閃？主點教你架？主教你關愛鄰舍呀！」
我說：「我知呀。」
另一個我說：「知你又閃先？」
我說：「你唔應機唔講嘢，得主知你想點，我唔知喎，仲唔閃呀？」
另一個我說：「閃？主安排得你做我鄰舍，就係想你幫我。」
我說：「我知呀，主叫我幫你，但冇叫我估你想點喎。」
另一個我說：「咁你而家想點呀？」
我說：「我想閃先，你有嘢講再Call我。」
發表新回應