「現實的擔憂,主或會在那裏舒緩❓」
隱密處。
…….
15/03/2023(三)深夜
我看見一個攤擋,擋主向我招手,我凝視一下。
檔主說:「過嚟。」
我說:「哦。」
檔主說:「坐低。」
我說:「哦。」
我坐下。
檔主說:「累唔累?」
我說:「好累。」
檔主說:「點解?」
我說:「一嗰禮拜番足七日工,好想快啲五月放假。」
檔主說:「冇一日休息?」
我說:「冇呀。」
檔主說:「點解?」
我說:「要搵錢預備全職讀作曲。」
檔主說:「哦,作曲發佈練成點?」
我說:「一般啦。」
檔主說:「點解?」
我說:「可以做嘅我都做晒,作曲、搵人、聯絡、Book場,車馬費都俾埋,但最終啲樂手練習浦唔浦頭,真係唔到我話事。」
檔主說:「即係練習紀律麻麻。」
我說:「未算差,好冇份。」
檔主說:「舊生合奏會攪成點?」
我說:「可以做嘅我都做晒,作曲、編曲、草擬計劃文件、開WhatsApp社群,同學校傾,邀請同學,不過最終係咪真係埋得成班,真係唔到我話事。」
檔主說:「演藝,考成點?」
我說:「視聽考核、和聲考核、作曲考核同埋答問會,都盡力準備,而家考咗頭兩份,但係最終收唔收,真係唔到我話事。」
檔主說:「你攪咁多嘢,但係冇一樣嘢係你話到事,擔唔擔心?」
我說:「擔心都冇用,交俾主啦。」
檔主說:「我唔係問你擔心有冇用。」
我說:「吓?」
檔主說:「我問你擔唔擔心?」
我眼角濕了。
我說:「原來我擔心。」
檔主說:「咁你而家即刻交晒俾我啦。」
我想看看檔主容貌,張開眼睛,房間一片漆黑,眼角有淚水。
發表新回應