「真信心何時出現❓」
前路未明時。
......
25/01/2021（一）14:00 家
現有的學生介紹他的哥哥跟我學英文。
我說：「你覺得自己英文點？」
學生說：「好差。」
我說：「有幾差？」
學生說：「.......」
我說：「唔緊要，做過測試就知。」
學生說：「哦。」
測試過後，
我說：「知道啦，你聽、寫、讀、講，樣樣都唔惦。」
學生說：「我知架，中學英文一直都唔合格。」
我說：「你中幾？」
學生說：「中五。」
我說：「即係就快DSE。」
學生說：「仲有13個月。」
我說：「你想DSE英文Level 2合格呀？」
學生說：「我想Level 3。」
我說：「唔。」
學生說：「有冇可能？」
我說：「唔係冇可能，但係得13個月，好難講。」
學生說：「點做先得？」
我說：「你每日可以俾幾多時間英文？」
學生說：「每日俾到一個鐘。」
我說：「咁你一個禮拜可以過嚟上幾多日堂？」
學生說：「兩堂。」
我說：「好。」
學生說：「咁我要做啲咩？」
我說：「跟住我指示做，盡力完成晒我每堂俾你嘅功課。」
學生說：「咁13個月後就會考到Level 3？」
我說：「係有機會，但係冇話一定。咁你諗住點？黎唔黎呀？」
學生說：「黎。」
我說：「黎，就兩日後，星期三下晏5點啦。」
.......
我說：「你覺得自己點？」
另一個我說：「好差。」
我說：「有幾差？」
另一個我說：「.......」
我說：「信唔信耶穌係你嘅救主同埋生命嘅主？」
另一個我說：「唔......」
我說：「知道啦，你仲係以前嗰個你，等審判啦。」
另一個我說：「吓？」
我說：「知唔知自己幾時死？」
另一個我說：「好運可能有七八十歲命嘅。」
我說：「即係唔知幾時死啦！」
另一個我說：「起碼今日仲生存。」
我說：「你係咪想得救呀？」
另一個我說：「我仲想生命轉化。」
我說：「唔。」
另一個我說：「有冇可能？」
我說：「神實得，你就好難講。」
另一個我說：「我點先得？」
我說：「真心信神就得。」
另一個我說：「真心信神，我就一定得救，仲可以生命轉化？」
我說：「係，一定得。咁你諗住點？係咪真係信神？」
另一個我說：「真係信。」
我說：「真係信就立即撇下一切所有，一齊黎跟從神起行啦。」
另一個我說：「點解要立即撇下一切所有？」
我說：「你嗰啲嘢拖實你後腳，唔撇低晒點起行呀？」
另一個我說：「咁跟從神行去邊呀？前面條路係點架？」
我說：「到時先知嗰喎，你而家究竟行定唔行？」
發表新回應