「神賜給我的，我有什麼責任❓」
要盡力管理好。
......
記憶大概是這樣的。
2007年，我首年到中學執教，當時我還未信主。
教員室坐在我斜對面的，是我相熟的同事。他任教中文，經驗豐富。
某天，同事一邊練書法，一邊跟我說話。
同事說：「葉sir，第一年教英文，覺得點呀？」
我說：「教Band 3 學生英文，冇人明我講咩，好似你咁，教中文好過。」
同事說：「你教咩班呀？」
我說：「我教3A，3C，4B。」
同事說：「班學生點呀？」
我說：「我個3班唔係學架，當我透明，隔離3B班好得多。」
同事說：「隔離3B班嗰Miss課室管理勁，出晒名。」
我說：「隔離3B班Miss就好啦，班學生咁聽話。」
同事說：「3B係特別乖，Miss係有一手。但係3A係精英班黎個喎，精英班都唔惦？」
我說：「教院黎視學個陣，班長同埋同學打交。」
同事說：「3A我都有教中史，係百厭少少。咁課外活動又點？今年你接咗我個日文學會。」
我說：「早知跟你去攪書法好過。」
同事說：「日文學會攪成點呀？」
我說：「頭個一兩堂啲學生又話好有興趣，五十音都未講完，就走鬼晒去。」
同事說：「即係而家拍烏蠅呀？」
我說：「係啦，去攪羽毛球隊好過。」
同事說：「喂，葉sir。」
我說：「點呀？」
同事說：「你咁樣唔惦！」
我說：「我點樣唔惦？」
同事說：「你成日聞到隔離飯香。隔離有咩可能碗碗飯都香你個碗？」
我說：「......」
同事說：「要俾啲心機煮好自己碗飯先得架。」
發表新回應