「為何主值得我期待❓」
祂所應許的，事隔多年，仍會實現。
……..
23/06/2024（日）1530 西灣河平安福音堂
我應繳擔任倩青、常青短宣課程畢業典禮的指揮，協助一眾長者學員，背譜獻唱詩歌《天國近》。
另一個我說：「點解會有人搵你做指揮嘅？你明明讀作曲架。 」
我說：「負責人識我架。」
另一個我說：「佢點識你？」
我說：「我未讀音樂之前，讀咗兩期晚青課程。」
另一個我說：「晚青課程讀咩？」
我說：「讀點傳福音。」
另一個我說：「傳福音都要讀？」
我說：「想認真傳得好，咪要讀。」
另一個我說：「咁你晚青課程畢業未？」
我說：「未喎，仲差一期。」
另一個我說：「做乜唔讀埋佢？」
我說：「讀音樂囉。」
另一個我說：「哦，咁你晚青最後一堂就同負責人講去讀音樂，跟住負責人就叫你去指揮啦，咁都順理成章。」
我說：「下，但係四年前講，四年後先指。」
另一個我說：「嘩，四年？大學都畢業啦。」
我說：「我仲有三年先演藝畢業。」
另一個我說：「四年，點解負責人會記得架？」
我說：「主提佢咪記得囉。」
另一個我說：「主係唔係路呀？我講完句說話，四分鐘都唔駛，咩都唔記得晒。」
我說：「所以我唔會等你，一見你冇反應，我就走先，唔嘥時間。」
另一個我說：「我就四分鐘都唔等，主就四年都等。」
我說：「當然，主，我七年都等。」
另一個我說：「講嘢呀？」
我說：「我讀國音高級證書，一年；國音作曲文憑，二年；演藝作曲及電子音樂學士，四年，仲唔七年呀？」
另一個我說：「主四年前有應承過你，四年後正式俾人邀請你做指揮咩？」
我說：「唔知，可能有、可能冇，因為我淨係聽到負責人講吓啫。」
另一個我說：「咁你一等就等四年，傻架？」
我說：「點解唔等？我一日仲生存，就自然係度等架啦。」
另一個我說：「等死呀？」
我說：「我等主回應。」
另一個我說：「等回應會有期待架嘛，值得你咁花心神等咩？」
我說：「值，一個過咗四年都會實踐應許嘅主，絕對值得我花心神等。」
另一個我說：「四年，即1, 461日，點等？」
我說：「主呢四年冇叫我齋等，日日都有同我傾下做乜好，乜你冇禱告同主連線咩？」
發表新回應