「我何時禱告，主才回應❓」
主按己心意回應。
…….
30/03/2024（六）Zoom 23:45
井旁MIH祈禱會
Maggie說：「大家有咩想代禱？」
我說：「我......最後，而家有一首準備要出，Super Mario Castle Theme，我新編嘅，呢次我想吹2nd Clarinet，不過要視乎搵唔到指揮。我share首曲落去WhatsApp Group俾你哋聽吓。」
Maggie說：「好呀。」
我在電腦打開WhatsApp Web。
Maggie說：「咁我哋禱告，主呀，我哋感謝你……」
禱告完畢，我準備把樂曲音檔拖入WhatsApp 群組之際…
我說：「大家咪走住，俾多一分鐘我，有嘢想講。」
Maggie說：「講啦。」
我說：「我啱啱睇到WhatsApp，主喺我哋禱告之前半個鐘，11點15分已經答覆咗我，我同學應承幫我指揮。」
Maggie說：「所以要時常感謝主……」
……
另一個我說：「我而家都要感謝主。」
我說：「好呀。」
另一個我說：「跟住我就去Check WhatsApp。」
我說：「Check咩呀？」
另一個我說：「Check主嘅回覆囉。」
我說：「你等緊主回覆咩？」
另一個我說：「梗係，我講完感謝主啦，主應該喺半粒鐘之前覆咗我。」
我說：「你有病。」
另一個我說：「大家都係主嘅兒女，你咁高我咁大架咋。主喺你禱告感謝之前半粒鐘覆咗你，唔係唔覆我呀嘛？」
我說：「咩態度呀你？」
另一個我說：「我咩態度唔好呀？我都唔駛主早半粒鐘，總之我禱告感謝完，主覆咗我就算啦。」
我說：「主欠咗你架？」
另一個我說：「我禱告感謝完主囉喎，唔係大細超呀嘛？」
我說：「你都唔係真心禱告感謝主嘅。」
另一個我說：「我啱啱已經講咗感謝主三隻字一次，而家第二次啦。」
我說：「你感咩謝主啫？你放數咋。」
另一個我說：「我放數？」
我說：「你禱告講完感謝主，就要主還嗰回應俾你，仲要最好喺你放數前半個鐘還添。」
另一個我說：「我冇話主一定要還。」
我說：「咁就好啦，主都冇諗過還。」
另一個我說：「你點知？」
我說：「主回應，不嬲都按佢旨意架啦。」
另一個我說：「咁我禱告感謝主嚟做乜呀？」
我說：「同主傾下計，感謝主嘅拯救、同在、督責、寬恕、教導…咁囉，唔係你想放數呀？」
發表新回應