「想成長，怎樣做❓」
開放自己，接受較正，動手改錯。
…….
06/08/2022（六）13:00 家
英文課
我說：「錯。」
學生說：「吓，邊度錯？」
我說：「done錯。done係p.p.（過去分詞），題目問do嘅過去式。」
學生說：「點先啱？」
我說：「自己查字典，教過你。」
學生說：「did。」
我說：「啱。」
…….
一會兒，
我說：「錯。」
學生說：「吓，邊度錯？」
我說：「e尾唔可以就咁加嗰ing。」
學生說：「點先啱？」
我說：「自己睇筆記，教過你。」
學生說：「哦，唔要e，再加ing。」
我說：「啱。」
……
一會兒，
我說：「錯。」
學生說：「吓，邊度錯？」
我說：「ee讀錯。」
學生說：「點先啱？」
我說：「自己聽番錄音，教過你。」
學生說：「哦，讀［衣］音。」
我說：「啱。」
…..
我說：「喂，你進步咗。」
學生說：「吓，邊度？英文呀？」
我說：「點會呀？咁多錯。唔係英文，係你個人。」
學生說：「我個人？」
我說：「你啱啱黎嗰陣，我話你錯，你記唔記得你點架？」
學生說：「我點架？」
我說：「你話你無錯，我再話你錯，你就喊，話以後都唔再過嚟上堂呀嘛。」
學生說：「哈哈。」
我說：「而家我話錯，你識睇清楚先，仲識問邊度錯，問完仲識改。係咪好大進步？」
學生說：「係喎。」
我說：「知唔知點解你咁大進步？」
學生說：「點解？」
我說：「我話完你錯，嗰陣喊完冇走咗去，下個禮拜再番黎上堂改呀嘛。」
…….
另一個我說：「嗰小朋友真係傻！」
我說：「傻咩呀？」
另一個我說：「又會錯俾你睇嘅都有嘅，咁鬼蠢。」
我說：「邊度蠢？佢想英文進步，梗係要錯俾我睇啦，唔係點唔叻改到叻？」
另一個我說：「有錯自己知，我自己關埋房門改咪得囉，避免樣衰。」
我說：「錯。」
另一個我說：「吓，又邊度錯？」
我說：「你淨係顧住自己啲面子，唔開放自己俾人睇，避免人哋話你錯，你點改自己睇唔到嘅錯呀？」
另一個我說：「我會向主禱告求問，叫主私底下親自話我知嘅。」
我說：「錯。」
另一個我說：「吓，邊度錯？」
我說：「嘩，你自大到一個點，夠膽死喺度限制主糾正你嘅渠道？」
另一個我說：「你咁癲，我唔同你講嘢，我走先。」
我說：「錯。」
另一個我說：「吓，仲有邊度錯？」
我說：「一有人話你錯，你就走先，係錯錯錯。你不斷逃避接受較正，不斷逃避動手改錯，你永遠都係錯，永遠都唔會成長。」
發表新回應