「求救，什麼態度才對❓」
主動。
…….
11/09/2022（日）20:30 日出康城
我出席晚餐聚會，慶祝大姨媽的生日。正當我跟妹妹分享，如何協助HKU Space解決課堂安排問題的時候……
大姨媽說：「幫HKU Space解決問題你就咁叻。」
我說：「多謝。」
大姨媽說：「又唔見你幫下嗰大姨？」
我說：「幫你？幫你啲咩？」
大姨媽說：「幫我同你阿媽嗰壇嘢呀。」
我說：「哦，你哋嘈交嗰壇嘢呀？嘈到今日你生日佢都唔出現嗰壇。」
大姨媽說：「你唔知我哋嘈咩？」
我說：「知，Day 1就知啦，阿媽番黎有講。」
大姨媽說：「知你仲唔幫吓嗰大姨媽？幫HKU Space解決問題你就咁叻。」
我說：「我梗係幫HKU Space，唔幫你啦。」
大姨媽說：「咩話？點解呀？」
我說：「HKU Space有問題，佢主動打電話俾我，邀請我幫手，咁我咪幫囉。」
大姨媽說：「……」
我說：「而家你有問題，你都唔主動搵我幫手，我點知你係咪真係想我幫呀？」
大姨媽說：「……」
……
另一個我說：「係咪咁樣攪寸嗰party呀？」
我說：「你見到係咪係囉。」
另一個我說：「都唔好講話你係唔係基督徒啦，簡直都唔係人。」
我說：「我唔單止係人，仲係基督徒。」
另一個我說：「主唔似你，主唔駛我主動叫，都會自動自覺幫我解決問題。」
我說：「咩問題？」
另一個我說：「我罪嘅問題。」
我說：「主點樣自動自覺幫你解決罪嘅問題呀？」
另一個我說：「主自動自覺為我犧牲自己，幫我贖罪。」
我說：「你唔主動，最終都係永死。」
另一個我說：「咩話？點解呀？主全知，唔駛我講，都知我有罪嘅問題，知我一定要佢幫我先解決到架。」
我說：「主係全知呀，但係你一日唔主動去認罪，一日唔主動奉耶穌為救主同埋生命嘅主，一日唔主動去領受呢份救恩，主都係會由得你去死。」
另一個我說：「點解係都要我做主動啫？」
我說：「而家你犯罪，你都唔做主動嘅，你係咪真心想求主拯救架？」
發表新回應