「你如何愛主❓」
別的人和事，擺開。
……
07/05/2022（六）19:00 家
我說：「阿妹話，你決定聽晚母親節唔出街食，下個禮拜先出喎。」
媽媽說：「係呀，唔想同人迫。」
我說：「我聽晚返黎食。」
爸爸說：「你聽晚返黎食？」
我說：「有咩問題呀？」
媽媽說：「你平時星期日晚，唔係趕住出去攪你嗰啲音樂嘅咩？」
我說：「平日多功課做，多嘢練，唔想等啫。」
媽媽說：「咁你聽日冇嘢做，冇嘢練？」
我說：「咪做少日、練少日囉，母親節呀嘛。」
媽媽說：「但係你阿妹未必番喎。」
我說：「佢唔番，我都可以番架？」
媽媽說：「阿妹唔番，你都番？」
我說：「喂，我啱啱唔係話，如果阿妹番黎食飯，我先番黎食飯喎。」
爸爸說：「吓？」
我說：「我啱啱淨係話，我聽晚番黎食飯咋。」
媽媽說：「吓？」
我說：「母親節呀。」
媽媽說：「母親節，所以阿妹唔番，你都番黎食。」
我說：「係呀，母親節呀嘛。」
媽媽笑。
……
另一個我說：「你平時唔係趕住出去攪你嗰啲音樂嘅咩？」
我說：「係呀，煩唔煩呀你？阿媽問完，你又問。」
另一個我說：「咁趕，你仲個個禮拜寫見證分享？」
我說：「停低咪唔趕囉。」
另一個我說：「音樂冇晒功課做，冇晒嘢練？」
我說：「做到我死、練到我死都仲有。啱啱先攪掂學生音樂會，一陣仲要趕住番去作曲。」
另一個我說：「趕住番去作曲，你仲寫見證分享？」
我說：「咁陣間先作曲咪得囉。」
另一個我說：「但係喺我識嘅人當中，都仲未見到有人好似你咁，個個禮拜寫見證分享。」
我說：「身邊冇人寫，我都寫得架？」
另一個我說：「吓？」
我說：「我愛主。」
另一個我說：「你愛主，所以專登唔作曲住，唔理身邊有冇人好似你咁，都個個禮拜寫見證分享？」
我說：「係呀，我愛主呀嘛。」
發表新回應