「主，為何要我選擇取捨❓」
主想我了解自己真正的需要。
……
2022/06/02（四）12:21
隆基管理有限公司職員來電。
職員說：「葉生，唔該。」
我說：「我係。」
職員說：「想覆番你租Band房嗰度。」
我說：「幾多錢？」
職員說：「租金不變，$3,500。」
我說：「收到，盡快覆你。」
職員說：「好，打番呢個電話搵我得啦。」
我說：「收到，唔該。」
……
2022/06/02（四）15:30 3D巴士
我打開手機，看看早前影下的街招相片。
我撥第一個電話號碼。
我說：「想問有冇觀塘區Band房出租？」
經紀A說：「有，想要幾大？」
我說：「200呎左右，最平幾錢？」
經紀A說：「$4,500，有窗。」
我說：「唔該晒。」
……
我撥第二個電話號碼。
我說：「想問有冇觀塘區Band房出租？」
經紀B說：「有，想要幾大？」
我說：「200呎左右，最平幾錢？」
經紀B說：「$5,600，有窗，有獨立廁所。」
我說：「唔該晒。」
……
我撥第三個電話號碼。
我說：「想問有冇觀塘區Band房出租？」
經紀C說：「有，想要幾大？」
我說：「200呎左右，最平幾錢？」
經紀C說：「$5,800，有窗，有獨立廁所。」
我說：「唔該晒。」
……
我撥第四個電話號碼。
我說：「想問有冇觀塘區Band房出租？」
經紀D說：「有，想要幾大？」
我說：「200呎左右，最平幾錢？」
經紀D說：「$6,500，新裝修，有窗，有獨立廁所。」
我說：「唔該晒。」
……
2022/06/02（四）15:55 香港國際音樂學校門口
我致電分租同學。
我說：「問晒四個Agent，觀塘區最平我哋嗰度啦。下張約冇加租，照舊$3,500，你租唔租？」
同學說：「租。」
我說：「Good。咁我同管理公司講簽約。」
同學說：「OK。」
……
我致電管理公司。
我說：「我決定簽約。」
職員說：「OK。俾啲資料我，預備好份約，再約你上黎簽。」
我說：「好，唔該晒，電聯。」
……
另一個我說：「管理公司都答咗你唔加租啦，你仲搵多四個Agent做乜？」
我說：「格價囉。」
另一個我說：「不過唔格價由自可，一格咗就把幾火。」
我說：「點解？而家主安排咗管理公司唔加租囉喎。」
另一個我說：「最弊而家知道咗其他單位有窗，有新裝修，有獨立廁所呢，唔加租嗰間咩都冇！」
我說：「冇咪冇囉，駛死咩？」
另一個我說：「冇窗，空氣唔流通，焗死。」
我說：「開門咪得囉。」
另一個我說：「冇獨立廁所，你痾完到佢痾，佢痾完又到番我痾，污糟死。」
我說：「帶廁紙去抹咪得囉，話事話，我同學買嗰款濕紙巾唔錯。」
另一個我說：「冇裝修，有客上嚟，失禮死。」
我說：「佢接受唔到，咪唔好上黎囉。不過我今年，都有四個同學，兩個教友上過黎喎，仲要上黎唔止一次添。」
另一個我說：「總之主就衰格啦，係要安排你喺窗，喺新裝修，喺獨立廁所，同埋喺錢之間做選擇取捨，唉，魚與熊掌，有邊個唔想...？」
我說：「我唔想喎。」
另一個我說：「咁都唔想，點解？」
我說：「如果唔駛我選擇取捨，我點學識我真正需要學嘅係 - 慳錢，點為黎緊極有可能全職讀音樂做準備呀？」
另一個我說：「唔…講開又講，既然唯一嘅上帝存在，點解佢仲係仲要容許其他神明偶像一齊存在喺度，俾我哋選擇啫？」
我說：「如果唔駛我哋選擇取捨，我哋點知道，我哋需要嘅，就只係獨一真神呢？」
發表新回應