「消費卷，點洗好❓」
問主，主或有好提議。
……
另一個我說：「就黎派消費卷，諗住點洗？」
我說：「唔知喎，問主囉。」
另一個我說：「乜都問主，你究竟知啲乜？」
我說：「我淨係知要洗晒張消費卷佢咋。」
……
31/03/2022（四）11:30 Logic Pro X 課堂
我打開手提電腦，開啟Logic Pro X。
老師說：「Adaptor？」
我說：「有。」
我取出Adaptor（轉換器），插入電腦。
老師取出HDMI線，接駁我的電腦和他的Monitor（顯示屏）。
老師說：「你都買番嗰Monitor啦。」
我說：「我都買番嗰？」
老師說：「係呀，你Laptop（手提電腦）嗰Mon咁細，做Logic好麻煩。」
我說：「係好麻煩，成日要換windows（視窗）。」
老師說：「買嗰大啲嘅Mon咪唔駛換黎換去囉，快手好多。」
我說：「但係冇啦啦又駛一筆。」
老師說：「用消費卷啦。」
我說：「嘩，好提議喎……不過我都唔識邊款好，你識唔識？」
老師說：「ASUS（華錫）。」
我說：「你而家用緊呀？」
老師說：「係呀，我屋企嗰部咪就係ASUS ProArt PA 279CV，速度快，畫面靚，聲音準。」
我說：「點架部嘢？」
老師說：「上網，即刻Show俾你睇吓啦。」
研究一會後，
我說：「不過我唔知Band房張枱擺唔擺得落？」
老師說：「番去度下啦。」
我說：「好。」
老師說：「佢好似有幾個size，上網睇吓邊個size最fit你張枱。」
…….
02/04/2022（六）10:00 Band房
另一個我說：「仲唔上網睇吓嗰Mon有咩型號？」
我說：「睇吓先，除咗PA279CV，仲有PA329CV。」
另一個我說：「有咩分別？」
我說：「一細一大囉，PA279CV嗰Mon27吋，PA329CV嗰Mon32吋。」
另一個我說：「邊部啱？」
我說：「問主。」
另一個我說：「主點講？」
我說：「主冇講嘢。」
另一個我說：「主冇嘢講你聽，有冇嘢俾你睇呀？」
我說：「而家得張枱睇咋。」
另一個我說：「度吓佢啦。」
我說：「張枱29吋闊。」
另一個我說：「兩部機機底幾闊？」
我說：「唔知，網上冇寫，要打電話問吓先。」
……
03/04/2022（六）12:00 Band房
我致電過後。
另一個我說：「問到兩部機幾闊拿？」
我說：「PA279CV，24吋闊。PA329CV，29吋闊。」
另一個我說：「29吋？」
我說：「係29吋呀。」
另一個我說：「你張枱咪29吋囉，你度身訂造架？」
我說：「張枱，宜家傢俬嘅現貨，上年買嘅。部PA329CV，華錫嘅現貨，仲未買。兩間公司，兩件現貨，兩年，我可以點度身訂造呀？」
另一個我說：「唔可以度身訂造，識唔識點找數？」
我說：「Tap & Go可以，即刻落訂先。」
另一個我說：「主有冇可能預備定咁好嘅提議俾你呀？」
我說：「點好法？」
另一個我說：「張消費卷你自己唔知點洗好，一開口問主姐，主就安排你嗰Logic老師同你介紹，再預先度啱埋你張枱嘅尺寸，搵部最適合嘅Mon俾你，支持你繼續學好作曲，學好Logic，等你好好事奉佢。」
我說：「主嘅提議有幾好，都俾你講晒出嚟啦，仲話冇可能？」
另一個我說：「呀，你話主有冇可能都預備咗咁好嘅提議俾我呢？」
我說：「你自己問吓主咪知囉。」
發表新回應