「好主意，確實好嗎❓」
若確實好，轉身落水吧。
......
19/05/2021（三）08:24 Signal
教友說：「星期日有無興趣帶毛孩去西貢游水？」
我說：「有。」
教友說：「今日，我都有可能去。」
我說：「幾點？」
教友說：「11:00－17:00，揀一個時間，隨便walk-in。」
我說：「11:00。」
教友說：「OK，CU。」
......
19/05/2021（三）08:30 華漢茶餐廳
我說：「一陣我同皮皮出去。」
媽媽說：「去邊呀？」
我說：「西貢囉。」
媽媽說：「咁筒筒呢？」
我說：「唔帶，今日出面太熱。」
媽媽說：「筒筒熱，咁皮皮都熱架。」
我說：「皮皮唔會熱好耐，我地去游水。」
媽媽說：「無啦啦做咩去游水？」
我說：「教友啱啱提議去游水，今日咁熱，我覺得係主意幾好。」
媽媽說：「幾點去？」
我說：「11點。」
媽媽說：「咁咪即係兩個半鐘之後，咁急點去呀？」
我說：「你急咩姐？我去又唔係你去，樓下小巴最耐45分鐘都到啦，而家仲有成兩個半鐘。」
媽媽說：「我都去！」
我說：「咁急你都去？而且基督徒聚會黎嗰喎。」
媽媽說：「你哋咪去講耶穌講飽佢囉，天氣咁熱，我要去睇實皮皮。」
我說：「你鍾意啦。」
......
19/05/2021（三）11:00 西貢
媽媽說：「你教友呢？」
我說：「唔見喎。」
媽媽說：「打電話俾佢啦。」
我說：「同佢講咩？」
媽媽說：「問佢係邊囉。」
我說：「好。」
......
我致電教友。
我說：「我同皮皮到咗啦，你係邊？」
教友說：「屋企囉。」
我說：「你唔係話今日過嚟咩？」
教友說：「今日未決定，我問你禮拜日過唔過。」
我說：「唔緊要啦，咁皮皮落水先。」
......
我說：「我攪錯咗。原來教友今日未決定，問我禮拜日。」
媽媽說：「咁你又話11:00？」
我說：「11:00係我揀嘅。」
媽媽說：「咁即係你教友一提議，你覺得好主意，一支箭11:00就沖過嚟啦。」
我說：「係呀。」
媽媽說：「咁你教友仲未決定，而家點？」
我說：「主意咁好，落水啦，皮皮。」
.......
另一個我說：「耶穌烘焙坊嗰網頁邊個話攪架？」
我說：「Maggie提議嘅。」
另一個我說：「幾時提議？」
我說：「2020年8月尾，我決定唔帶查經班去報讀音樂學校嗰陣。」
另一個我說：「你覺得Maggie提議點？」
我說：「好主意。」
另一個我說：「主意咁好，神一開始派咩人支持你哋？」
我說：「一開始，冇喎。」
另一個我說：「一開始冇，咁點呀？」
我說：「主意咁好，梗係即刻籌備。未有人，但有神呀嘛。」
另一個我說：「主意咁好，係咪主話好先？」
我說：「如果主話唔好，今年年初嗰網頁點出街呀？」
發表新回應