「外在環境困難，如何堅持❓」
選擇尋求主在自己身上的計劃。
…….
13/06/2021（日）06:00 高中Signal群組
這是高中同學和主修哲學的中文老師的群組，閒時分享生活時事和人生哲學。
老師說：「我都有受到時代環境嘅影響，身處今日嘅香港，我感到受壓制同納悶，但無失去生活重心，仍致力做我此生嘅人生功課。」
老師說：「我嘅人生功課係…..」
老師說：「你發現自己嘅人生功課或者生活重心未呀？」
同學A說：「我嘅人生功課係…..」
同學B說：「我嘅人生功課係…..」
同學C說：「我嘅人生功課係…..」
我說：「我嘅人生功課係學習如何以符號邏輯，以視覺（文字）和聽覺（聲音），雙軌表達神的愛同公義、人嘅情感思想。我而家教文字、做翻譯、學作曲、練演奏，就係做呢樣功課。而家教育困難唔少，如具體嘅文字表達風險持續增加，人生嘅重心會慢慢轉向抽象嘅聲音表達。」
…..
15/06/2021（日）18:42 耶穌烘焙坊Signal群組
我把我的人生功課跟教友分享。
……
另一個我說：「咩時世呀？仲有心情學音樂？」
我說：「有。」
另一個我說：「你究竟知唔知呢個世界究竟發生緊咩事？」
我說：「一打開手機，好難唔知。」
另一個我說：「知你仲有心情學音樂嘅？離晒地。」
我說：「有呀，我學音樂，唔係因為時世，係因為主。」
另一個我說：「因為主帶你離地升天呀？」
我說：「唔係，係主引領我貼地尋求佢喺我身上嘅計劃。」
另一個我說：「你又知學音樂係主喺你身上嘅計劃？」
我說：「因為我學音樂，由培養、報名、入學、練習、考試，主都早有預備同一直幫助，你唔清楚可以去睇吓我過往嘅分享。」
另一個我說：「咁你第日學成音樂，可以點樣造福呢個時代嘅人呀？」
我說：「我唔知喎。」
另一個我說：「計劃黎嗰喎，點解會唔知？」
我說：「嗰計劃唔係我架，係主架，主未有指示。」
另一個我說：「主未有指示？」
我說：「我啱啱入學咋，有排都未學成，應該未係時候知道。」
另一個我說：「最終目標咁唔清唔楚你都信？」
我說：「信。」
另一個我說：「仲當係人生功課？」
我說：「係。」
另一個我說：「點解？」
我說：「我由09年決志信主，主都冇指示話我知最終會係點架啦，但我都選擇相信主，選擇尋求主喺我身上嘅計劃，一跟就跟到而家，13年黎不斷成長，成功一步一步修好原本破碎絕望嘅家庭。」
另一個我說：「呢啲都係過去嘅事啦，而家講緊係你未來嘅人生功課呀！」
我說：「過去我成個4人家庭破碎晒，神嘅計劃都攪得掂啦，何況係未來我一個人嘅人生功課。」
另一個我說：「但係而家外在環境咁困難，你唔覺得壓制、納悶同擔心咩？」
我說：「好壓制、好納悶同好擔心呀！」
另一個我說：「咁你點堅持落去？」
我說：「繼續選擇尋求主係我身上嘅計劃。」
發表新回應