「恐懼、焦慮，神帶我如何面對❓」
一步一步，正面走過。
........
15/02/2021（一）12:00 地鐵車廂
我和高中同學、中文及哲學老師行山過後，跟老師同車回家。
老師說：「偉雄，你近嚟點？」
我說：「我開始讀音樂。」
老師說：「幾時開始架？」
我說：「上年10月。」
老師說：「你鍾意音樂？」
我說：「係。」
老師說：「鍾意就盡情去做啦。」
我說：「多謝支持。」
老師說：「做到忘我仲好。」
我說：「順其自然啦。」
老師說：「我覺得你今年有改變，唔知係咪同讀音樂有關呢？」
我說：「有咩改變？」
老師說：「冇以前咁焦慮。」
我說：「我以前好焦慮咩？」
老師說：「係。」
我說：「你幾時發現我焦慮？」
老師說：「你會考唔夠分，由原校過黎報中五重讀，我同你面試嗰陣，就發現啦。」
我說：「之後中六你教我中文，我係咪仲係咁焦慮？」
老師說：「一樣咁焦慮。」
我說：「咁你嗰陣唔同我講？」
老師說：「因為你嗰陣太焦慮，如果我同你講你焦慮，只會攪到你仲焦慮。」
我說：「咁你而家又同我講？」
老師說：「因為我今年見到你焦慮程度減低咗好多，我有信心你接受到，我同你講你以前好焦慮。」
......
另一個我說：「神真係奇妙。」
我說：「咩咁奇妙？」
另一個我說：「神知你焦慮，帶你學音樂，降低你嘅焦慮指數。」
我說：「其實音樂本身有一瓣，都令我好焦慮。」
另一個我說：「嘩，你唔係鍾意音樂嘅咩？而且你阿sir黎嗰喎，仲有焦慮？」
我說：「有。」
另一個我說：「音樂邊瓣令你好焦慮？」
我說：「演奏！」
另一個我說：「點焦慮法？」
我說：「我自己彈，好地地。但一拍片對住鏡頭彈，最少打七折。」
另一個我說：「七折都正常。」
我說：「即場對人彈，可以打五折。」
另一個我說：「五折都勉強可以接受。」
我說：「上次對副校長彈，手震到彈唔到。」
另一個我說：「駛唔駛咁焦慮呀？」
我說：「就係咁焦慮。」
另一個我說：「你同神講話下年打算主修作曲架嘛，咁你作曲唔演奏，咪唔駛焦慮囉。」
我說：「唔可以唔演奏。」
另一個我說：「點解唔可以唔演奏？」
我說：「因為實科演奏係必修科。」
另一個我說：「2020年10月，神召你去讀音樂，原來唔係想帶你遠離焦慮。」
我說：「係想帶我一步一步正面走過焦慮。」
發表新回應