「跟隨神實踐夢想，所需的耐心，節拍時值是多少❓」
每一拍可以，以年計。
......
20/05/2021（日）14:00 坪洲
我跟隨主內的姊妹，搭船到坪洲去探望她的朋友，他是位出色的作曲。
朋友說：「你幾時開始讀音樂？」
我說：「上年。」
朋友說：「點解讀？」
我說：「鍾意囉。一路都有想讀嘅諗法，不過一直都揸唔定主意。」
朋友說：「點解最後可以揸得定主意？」
我說：「遠因係，信耶穌我個人不停變。」
朋友說：「你係基督徒？」
我說：「係呀。」
朋友說：「我係天主教徒。遠因講咗啦，近因呢？」
我說：「近因係，疫情，加上浸大份工冇埋，索性就報讀音樂。」
朋友說：「好呀。而家音樂讀緊咩？」
我說：「我入學試肥咗，今年要讀啲基礎嘢，下年諗住讀作曲。」
我打開香港國際音學校的網站，展示課程內容。
朋友說：「好，俾心機讀。」
我說：「你幾時開始讀音樂？」
朋友說：「我一開始自學。」
我說：「後來呢？」
朋友說：「後來考入大學讀。」
我說：「係邊度讀？」
朋友說：「英國。」
我說：「讀學士？」
朋友說：「係呀，三年半。」
我說：「之後讀碩士？」
朋友說：「係呀，兩年。」
我說：「之後讀博士？」
朋友說：「係呀，三年半。」
我說：「學士、碩士、博士，都係讀作曲呀？」
朋友說：「係。」
我說：「嘩，咁淨係喺大學讀都讀咗九年。」
朋友說：「係呀。」
我說：「而家就學以致用，全職作曲？」
朋友說：「係呀。」
朋友從書櫃拿出兩本書。
朋友說：「送俾你。」
我接過兩本如字典一樣厚的書籍，一本是「和聲學」，另一本是「音樂的結構與風格」。
朋友說：「你下年讀作曲，呢兩本實啱你用，攞去呀。」
我說：「嘩，多謝。」
......
另一個我說：「追尋理想，學音樂，神唔係與你同行嘅咩？」
我說：「係呀。」
另一個我說：「咁神攪咩呀？靠嚇呀？」
我說：「邊度嚇親你呀又？」
另一個我說：「學下音樂姐，又三年半，又兩年，又三年半，年年聲，咁得人驚。」
我說：「學好每一個小節每一拍嘅音樂，係要年年聲嗰喎。」
另一個我說：「咁你鍾意嗰首音樂幾多個小節呀？」
我說：「我鍾意嗰首貝多芬F小調鋼琴奏鳴曲Op.2, No.1，有482個小節。」
另一個我說：「嘩，死得。都唔知究竟要攪幾多年先攪得掂？」
我說：「佢實讀九年，計埋其他，預十年度啦。」
另一個我說：「十年？人生有幾多個十年呀？」
我說：「冇人知自己人生有幾多十年嗰喎，得神知咋嘛。」
另一個我說：「你知唔知自己已經輸在起跑線？你成30幾歲人先開始讀音樂，人哋嗰啲未出世已經聽貝多芬架啦。」
我說：「唔駛急，神一直與我同行。」
另一個我說：「神與你同行？你瞓醒未？神與你同行，你就唔會慢咗成幾廿萬拍啦。」
我說：「你意思係，與神同行就要丁一聲咁快攪掂呀？」
另一個我說：「梗係啦。」
我說：「你而家究竟係咪與神同行？」
另一個我說：「我梗係啦，你就唔知啦。」
我說：「咁你而家已經與神同行，同神一齊囉，仲咁急趕住去邊呀？趕住返天家呀？」
發表新回應