「領導，唔領導，仲有咩好做❓」
等候總領導。
......
19/12/2020（六）14:00 家
計劃明天為「耶穌烘焙坊」的網頁拍照。
我說：「聽日影相，你幾點ok？」
諾行說：「下晏一點。其實你諗住影咩相？」
我說：「影晒Google Form大家brainstorm嗰啲，番黎再慢慢揀。」
諾行說：「嘩，咁多？」
我說：「係呀，諗住去邊度影？」
諾行說：「白沙灣。」
我說：「白沙灣係邊？」
諾行說：「烏溪沙。其實我一個人都攪得惦。」
我說：「真係？所有景都攪得掂？」
諾行說：「都唔係，有啲景要有一個人幫吓手先得。」
我說：「咁你同Michael兩個夠唔夠？」
諾行說：「夠啦。」
我說：「你哋兩個去，得唔得？」
諾行說：「都得嘅。」
我說：「咁我係屋企為你哋影相祈禱啦。」
......
另一個我說：「喂，嗰網頁，你先係攪手，你先係領導。」
我說：「係又點？」
另一個我說：「你叫諾行同Michael去，自己就唔去？」
我說：「影相呢加嘢，佢哋識我唔識，我都唔知我去有咩用，咪唔去囉。」
另一個我說：「你算咩領導？」
我說：「我係領導，唔係領隊呀，帶團呀？」
......
20/12/2020（日）13:12 音樂歷史IV WhatsApp群組
老師說：「各位同學：這個 listening list 是這學期所聆聽過的音樂，請熟習這名單中的音樂。西方音樂歷史IV的試卷已準備好，大家可以到 google drive 下載。請在決定開始做試卷時，才打開考試文件。請於12月28日晚11:59或以前，以pdf 文件的型式上轉你的考試答題紙。」
......
另一個我說：「今日做咗嗰網上考試，時間就最啱啦。」
我說：「同意，音樂歷史又要搵，Listening list又要聽，要成個下晏專心坐定定先攪得掂。平日要教書，邊坐得定呀。」
另一個我說：「哦！哦！哦！」
我說：「哦咁多次做咩呀？」
另一個我說：「原來你尋日決定今日唔去影相，就係諗住留低喺屋企預備專心做網上考試嘅？」
我說：「癡線！老師上個禮拜話佢嗰google drive down咗，要整番好先上載到考卷，我鬼知佢今日嗰Google Drive整番好呀？」
另一個我說：「阿領導，點樣影相你又唔知，幾時考試你又唔知，你究竟知啲咩？」
我說：「我知，唔駛我領導，就等候總領導。」
發表新回應