「嗎哪，存在放那裏❓」
有愛的鄰舍手中。
......
記憶大概是這樣的。
2020年年尾
另一個我說：「喂，唔多惦喎。」
我說：「咩唔惦呀？」
另一個我說：「你部數碼琴呀！」
我說：「我部數碼琴，係Yamaha-Clavinova，夾埋Logic，攪數碼音樂都唔知幾惦。」
另一個我說：「我講緊應付實科考試呀。」
我說：「都係，彈慣數碼琴，個個禮拜翻音樂學校彈部鋼琴，都要適應成十幾分鐘，考試一埋位就要彈，都唔知點算！」
另一個我說：「一早都唔知你做咩要買數碼琴。」
我說：「我目標係攪數碼音樂創作，網上發表呀嘛。」
另一個我說：「咁實科考試點算？」
我說：「唔知，無啦啦都唔知去邊度搵部鋼琴黎練。」
......
某天下課後，我跟同住觀塘區的基督徒同班同學，在學校對面的巴士站等候3B巴士。
我說：「你咩樂器？」
同學說：「雙簧管。」
我說：「你呢？」
同學說：「鋼琴。」
我說：「吹奏，放工唔練得？嘈住隔離！」
同學說：「OK嘅。我有個倉。」
我說：「你有個倉？」
同學說：「係呀，嗰倉唔係住宅嚟嘅，唔會嘈到人。」
我說：「咁幾好喎。」
同學說：「咁你放工都唔練得？嘈住隔離！」
我說：「OK嘅。我嗰部數碼琴，可以較大細聲，仲可以插headphone，不過touching真係差啲，嗰個禮拜覆琴都要適應一輪。」
同學說：「我嗰倉有部鋼琴。」
我說：「咩琴？」
同學說：「Kawaii。」
我說：「咁你嗰倉係邊？」
同學說：「觀塘。」
我說：「咁咪好近我屋企。」
同學說：「係呀。」
我說：「我可唔可以星期日過嚟租你部鋼琴用？攪攪我平日練習嘅touching嘅問題？」
同學說：「唔駛俾錢租，我免費借俾你用。」
我說：「感謝。」
同學說：「咁禮拜日我落倉Call你。」
我說：「好呀。」
.......
07/03/2021（日）10:43 WhatsApp
同學說：「12點，嚟唔嚟？」
我說：「嚟。」
發表新回應