「肢體為何要不同呢❓」
因為要為主服侍不同的肢體。
......
12/10/2020（一）15:00 單車館
剛剛完成羽毛球訓練。
陳sir說：「喂，我有個學生，英文唔惦，你教唔教？」
我說：「中學生定小學生？」
陳sir說：「小學生。」
我說：「哎呀，唔好啦，我個鋪格，好怕磨爛蓆，冇咁好耐性，教唔到小學生。」
陳sir說：「其實下一個就到個小朋友練，你同佢開過game㗎啦。」
我說：「哦？」
陳sir說：「呢，佢阿媽就坐咗係嗰度，同佢傾兩句，再決定。」
我說：「咁好啦。」
.....
媽媽說：「聽陳sir講，你係大專教英文？」
我說：「係。」
媽媽說：「我想幫嗰仔搵個英文補習老師。」
我說：「係。」
媽媽說：「我嗰仔英文好差，其實一直都有嗰Miss跟佢嘅，嗰Miss係大學讀法律。」
我說：「吓，既然一直都有，做咩仲要搵？」
媽媽說：「佢year 3開始好忙，自己請辭。」
我說：「哦。」
媽媽說：「之後都仲有兩個Miss跟過佢嘅。」
我說：「跟得好哋哋，做咩仲要搵？」
媽媽說：「就係唔好。第一個教教吓話唔教，第二又係咁。」
我說：「嘩。」
媽媽說：「佢已經好憎英文架啦，我成日都因為英文同佢嘈。」
我說：「唉。」
媽媽說：「你覺得你攪唔攪得佢惦？」
我說：「我個鋪格，好怕磨爛蓆，冇咁好耐性，所以...」
媽媽說：「我真係好頭痛，你可唔可以試下幫吓佢？」
我說：「咁好啦。」
......
05/11/2020（四）15:00 九龍公園體育館
剛剛完成羽毛球訓練。
陳sir說：「點呀，教唔教得惦嗰細路？」
我說：「夾得到。」
陳sir說：「連續兩個Miss都夾唔惦，你夾得到？」
我說：「其實係佢夾得到我姐。」
陳sir說：「點夾法？」
我說：「我咪繼續我個鋪格，唔磨爛蓆，教完就俾功課。跟住同佢講，啲功課，做就番黎，唔做就唔好番黎。」
陳sir說：「咁佢點呀？」
我說：「咁佢下個禮拜，就做咗番黎。」
發表新回應