「主出手鼓勵，你如何回應❓」
重新出發。
…….
28/12/2024（四）1829 WhatsApp
已移居英國的中學同學Tony傳來短訊，我打開一看。
我說：「歌詞。」
另一個我說：「咩歌？」
我說：「我作嗰首Pop Song（流行曲）呀。」
另一個我說：「哦，你用Orchestral Choir（管弦樂合唱）嘅形式，一路拖住未重編嗰首。」
我說：「係呀。」
另一個我說：「咩話？你首未編好嘅Pop Song上咗詞？」
我說：「係呀。」
另一個我說：「難以置信，一定係主。咪住，你朋友明明話佢都係初學，未有能力上架。」
我說：「佢WhatsApp話，係佢朋友上，即係我嶺大同學嘅嗰朋友。」
另一個我說：「即係你哋唔識嗰喎，一定係主。」
我說：「話時話，做乜咁耐我都未編好首歌？」
另一個我說：「唉，你冇心機編。」
我說：「講笑咋，我身為作曲，都會冇心機編曲？」
另一個我說：「你估作曲淨係作曲編曲？作完要埋單架。」
我說：「埋單？」
另一個我說：「你失憶？最少都要用DAW整好晒嘅聲，仲要錄音，如果要現場演奏，仲死。」
我說：「死？」
另一個我說：「你要搵人，約人，夾人，就人，等人，吹人，氹人……樣樣都係…唉…人。」
我說：「人多好辦事。」
另一個我說：「累死，累到冇晒力作曲。」
我說：「梗係啦，所有注意力擺晒落自己一個人到，加埋心急，仲邊有力剩。」
另一個我說：「乜除咗你作曲自己，仲有其他人會幫手埋單嘅咩？」
我說：「幫我嗰個係神。」
另一個我說：「係喎。佢派咗你移咗民去英國嘅朋友嘅朋友，幫你隔空填咗首未編好嘅歌佢。」
我說：「知神出手鼓勵我就好啦。」
另一個我說：「多謝。」
我說：「嘩！神越洋出手派人幫我填詞，就係得多謝兩隻字咁多啦？」
另一個我說：「立即編曲。」
發表新回應