「如何避免以貌取神❓」
聆聽神。
…….
16/12/2024（一）1730 觀塘泳池
閘口。
我準備入閘。
職員說：「等陣，呢邊。」
我說：「做咩呀？6點收，我趕住入閘游水呀。」
職員說：「呢個閘。」
我說：「我呢個閘都冇問題。」
我拿出八達通咭。
職員說：「呢個閘。」
我說：「我趕住入閘游水，入我呢邊個閘得啦。」
職員說：「唔係，呢個呀。」
一個男人從口出現。
男人說：「先生，你入你嗰邊個閘啦。」
職員望著我。
職員說：「呢個閘先啱喎，師傅。」
我說：「我冇講過我係師傅喎！」
男人說：「我先係師傅。」
職員看著男人。
職員說：「你先係師傅？咁你係？」
我說：「我趕住入閘游水呀。」
職員說：「咁你入你個邊個閘啦。」
我入閘。
……..
另一個我說：「電閘師傅。」
我說：「我似咩？」
另一個我說：「似。」
我說：「我同佢講咗，我趕住入閘游水架。」
另一個我說：「冇聽呀，個職員。主講嘢都大把人唔聽啦，何況你？」
我說：「咁又係，不過最初我都係……」
另一個我說：「最初你都係點？」
我說：「最初我都係以為，耶穌喺咭片度嗰個男人。」
另一個我說：「咩咭片？咩男人？」
我說：「一張手掌咁大嘅咭片裏面，一個著住白色長袍，滿面鬍鬚，張開雙手嘅中年男人。」
另一個我說：「你都係以貌取神。」
我說：「曾經係，而家盡力避免。」
另一個我說：「點盡力避免？」
我說：「讀經查經囉，禱告聽番耶穌講佢自己係點囉。」
另一個我說：「一定要讀經查經，禱告聽番耶穌講佢自己係點嘅咩？」
我說：「你唔聽番當事人講番佢係點，咁你想聽邊個講呀？」
另一個我說：「……」
我說：「定係你想自己喺張咭度睇到耶穌俾人畫成點，或者自己喺個腦度幻想耶穌係點，就當耶穌係點呀？」
發表新回應