本週反思#336💬

「信主越耐，條數越大❓」
 

根本冇數要追。
…….
 

我說：「我有個決定。」

另一個我說：「咩決定？」
 

我說：「我決定本週反思，由定期一個禮拜分享一次，改成不定期分享。」
 

另一個我說：「點解呀？唔夠貨出呀？」
 

我說：「唔係，而家先出到336篇，我已經寫到690篇。」
 

另一個我說：「哦，你驚冇嘢寫，慳住洗。」
 

我說：「都唔係，主分分秒秒都動工，如果要記低晒，根本寫唔切。」
 

另一個我說：「咁點解要不定期？」
 

我說：「因為我想放慢一下生活節奏，再輕省隨心一啲，同埋想精選分享。」
 

另一個我說：「無啦啦做咩放慢生活節奏？」
 

我說：「我最近發現自己越唔急，就越有心機享受做好主安排俾我嘅每一件事。」
 

另一個我說：「咪住，條數唔啱喎咁。」
 

我說：「咩數？」
 

另一個我說：「信仰條數。」
 

我說：「信仰有條數嘅咩？」
 

另一個我說：「你信主越耐，條數就越大，出產要越多。」
 

我說：「邊度嚟㗎呢條數？」
 

另一個我說：「Common Sense啦，冇理由條數越嚟越縮架。」
 

我說：「主都冇話要我追數，何況我只係分享少啲，但信仰生活冇少過。」
 

另一個我說：「咁我呢？少咗我呀。」
 

我說：「你又入埋我數？」
 

另一個我說：「我想繼續個個禮拜都睇到主嘅作為呀。」
 

我說：「主嘅作為，你信嘅就隨時隨地都睇到嗰囉喎，你信咗主未架？」