「人才，可以點搶❓」
六分鐘之內，主就可叫人才自願上釣。
…….
29/06/2024（六）15:18 WhatsApp
我跟同為基督徒的傷健人士籌辦音樂會負責人聯絡。
我說：「單簧管譜，搵成點？」
負責人說：「一個好少少嘅單簧管譜都搵唔到。」
我說：「咁呀。」
負責人說：「搵唔到，又冇錢俾，仲要叫人專登過嚟吹一首，冇人黎架。」
我說：「…….」
負責人說：「你不如編走支單簧管啦。」
我說：「咁會冇咗中低音。」
負責人說：「咁都冇計啦。」
我說：「點解咁快冇計呀？主都未話唔得。」
負責人說：「……」
我說：「等我試吓搵吓先，如果最後真係冇人肯，我先編走支單簧管。」
負責人說：「好啦。」
…….
6分鐘之後…..
我說：「好消息，有人肯吹。」
負責人說：「真架？」
我說：「真，二次綵排，一次表演，通通出席。」
負責人說：「嘩，感謝主。」
……
另一個我說：「冇可能。」
我說：「咩冇可能？」
另一個我說：「冇錢，6分鐘就應承，冇可能。」
我說：「佢應承咗啦。」
另一個我說：「你同佢咩關係？」
我說：「我係作曲，佢係我樂手，之前合作過一兩次。」
另一個我說：「哦，原來你哋識嘅，唔怪之得啦，佢賣人情俾你。」
我說：「佢點解要賣人情俾我嚟個冇後台嘅窮書生？」
另一個我說：「係喎？根本就係蝕本生意。點解佢咁都肯落搭？」
我說：「其實好簡單….」
另一個我說：「你私下俾錢佢？」
我說：「冇。」
另一個我說：「你作多首俾佢？」
我說：「冇。」
另一個我說：「你跪地求佢？」
我說：「都冇，我WhatsApp問佢咋。」
另一個我說：「咁就奇？咁點搶人才？」
我說：「主都唔駛搶，六分鐘就叫嗰人才自願上釣啦。」
發表新回應