「逆世代的人，空穴而來❓」
我相信，是熟識我的主安排過來的。
……
15/11/2023（三）13:00 香港演藝學院三樓學生休息室
我正跟學生進行Zoom課堂，有同學開門進入。
同學說：「終於見到你啦。」
我說：「吓，唔好意思，我哋之前見過？你係？」
同學說：「我上次11月1號喺度見過你。」
我說：「11月1號星期幾？」
同學說：「星期三。」
我說：「咁應該係，我逢星期三都會喺度zoom。」
同學說：「你係咪跌咗錢？」
我說：「係呀。」
同學說：「舊錢，用魚尾夾夾住架嘛。」
我說：「係呀，你點知嘅？」
同學說：「我11月1號晏晝喺你凳底執到囉，你次次都坐呢個位。」
我說：「執咗去邊？」
同學說：「設施服務大樓。」
我說：「喺邊架？」
同學說：「地下側門出去，過對面玻璃門就係。」
我說：「唔該晒，非常感謝。」
…….
另一個我說：「你跌錢都唔去搵嘅？」
我說：「搵過啦。」
另一個我說：「搵過邊度？」
我說：「搵過canteen, EMS, X719, 去過嘅課室, 連廁所都搵埋。」
另一個我說：「喺未搵學生休息室。」
我說：「醒唔起。」
另一個我說：「咩世代呀？現兜兜咁跌錢都有得執番？漏手機番轉頭都冇啦。」
我說：「真係有同學幫我執番。」
另一個我說：「都唔知邊度黎架？」
我說：「佢戲劇學院黎架。」
另一個我說：「你音樂學院嗰喎，佢仲要同你唔同學院添，三唔識七，乜鬼嘢同學？」
我說：「我相信佢係熟識我嘅主安排過嚟嘅同學，你信唔信呀？」
發表新回應