「沒人行，你仲行唔行❓」
行，因為我信主一直同行。
……
2022/06/07（二）WhatsApp
我決定了報讀聖三一音樂學院高級樂理文憑考（LMusTCL Theory Exam），為了尋求學習伙伴，分攤學費，我向同學求問。
我說：「有冇興趣一齊讀LMusTCL？」
同學A說：「我八級樂理都未考到，LMusTCL連報考都唔夠資格。」
我說：「明白，感謝回覆。」
…..
我說：「有冇興趣一齊讀LMusTCL？」
同學B說：「我想等AMusTCL成績出咗先，再睇下點。」
我說：「明白，感謝回覆。」
…..
我說：「有冇興趣一齊讀LMusTCL？」
同學C說：「而家番工好忙，遲啲冇咁忙先。」
我說：「明白，感謝回覆。」
…..
我說：「有冇興趣一齊讀LMusTCL？」
同學D說：「LMusTCL好難嗰喎，我怕應付唔黎。」
我說：「明白，感謝回覆。」
…..
我說：「有冇興趣一齊讀LMusTCL？」
同學E說：「我有其他計劃。」
我說：「明白，感謝回覆。」
…..
我說：「有冇興趣一齊讀LMusTCL？」
同學F說：「我諗諗吓，仲有好多嘢未做。」
我說：「明白，感謝回覆。」
…..
我說：「有冇興趣一齊讀LMusTCL？」
同學G說：「我有興趣，不過諗住遲啲先考。」
我說：「明白，感謝回覆。」
…..
我說：「有冇興趣一齊讀LMusTCL？」
同學H說：「太快啦，我諗住循序漸進。」
我說：「明白，感謝回覆。」
…..
另一個我說：「咁即係點呀？」
我說：「冇人得囉。」
另一個我說：「你問咗幾多個人？」
我說：「我問晒作曲文憑嘅同學啦。」
另一個我說：「問咗咁多個，一個得嘅人都冇！」
我說：「就係一個得嘅人都冇。」
另一個我說：「冇人同行，你仲行唔行？」
我說：「行，主一直同行架嘛。」
另一個我說：「主一直同行？主係邊呀？見唔到嘅？」
我說：「主係見唔到架，乜你見過主咩？」
另一個我說：「主見唔到，你點知主同行？」
我說：「我未問班同學之前，主已經幫我追番拖咗三年嘅課程改革酬金番黎，夠我讀LMusTCL同埋報考有突嗰囉喎，仲唔係一直同行？」
另一個我說：「幾時嘅事？我唔知嘅！」
我說：「6月13號朝早7點01分。」
另一個我說：「如果主唔幫你追番課程改革酬金番黎，咁就冇同你同行啦？」
我說：「唔係，都有同行。」
另一個我說：「你講晒啦。主俾錢，又有同行；主唔俾錢，都有同行。咁幾時主先冇同行呀？」
我說：「主唔會有一刻冇同行嗰喎。」
另一個我說：「點解？」
我說：「因為事實就係主時刻同行囉，一直都係你自己唔信咋嘛。」
另一個我說：「好呀，有主同行咁把炮呀嘛，而家眼見副得你自己一個人，我睇你仲去唔去學LMusTCL?」
我說：「約咗老師上堂囉喎。」
另一個我說：「吓！幾時開始上堂呀？我唔知嘅！」
我說：「6月29號，下晏1點。」
發表新回應