本週反思#296💬

「自己的事，只有自己知❓」

不是，主知道更多。

……

28/08/2023（一）19:20 香港國際音樂學校小教堂

學校職員拿著一個爵士鼓件走過來。

職員說：「嗰Tom未上喎。」

我說：「咁而家上。」

職員說：「唔得。」

我說：「點解？」

職員說：「要鼓匙先上到喎。」

我說：「咁之前你又上到？」

職員說：「之前嗰鼓手自己帶鼓匙。」

我說：「咁學校有冇鼓匙？」

職員說：「冇。」

我說：「咁點算？」

職員說：「叫你嗰鼓手帶過嚟。」

我說：「OK。」

……

28/08/2023（一）19:23 香港國際音樂學校小教堂

我致電鼓手。

我說：「喂。」

鼓手說：「點呀？」

我說：「你出咗門口未？」

鼓手說：「出門口？」

我說：「我想你帶條鼓匙過嚟。」

鼓手說：「帶條鼓匙過嚟？」

我說：「係呀，一陣8點帶條鼓匙過嚟。」

鼓手說：「一陣8點？過嚟邊度？」

我說：「音樂學校小教堂。」

鼓手說：「音樂學校小教堂？做咩？」

我說：「綵排呀嘛。」

鼓手說：「綵排，我唔知嘅？」

我說：「你唔知？我咪喺社群公嗰度講咗囉。」

鼓手說：「我收唔到喎。」

我說：「你收唔到？但係全世界都收到喎。」

鼓手說：「但係我真係收唔到喎。」

我說：「咁你而家係邊？」

鼓手說：「Band房。」

我說：「即刻過嚟，得唔得？」

鼓手說：「趕唔切呀。」

我說：「的士，車費我俾。」

鼓手說：「咁唔係咁好意思。」

我說：「快，今日要錄影，冇咗你唔惦。」

鼓手說：「咁好啦。」

……

另一個我說：「你自己啲嘢，你自己都唔知嘅咩？」

我說：「噏乜呀？」

另一個我說：「你喺社群公告宣佈，啲樂手收唔收到你唔知嘅咩？」

我說：「鬼知呀？」

另一個我說：「駛唔駛下下都鬼呀？喺人都知啦，你喺嗰訊息到㩒「資料」制就Check到啦。」

我說：「冇check，佢唔出聲我就當佢收到架啦。」

另一個我說：「咁結果呢？」

我說：「收唔到，嗰鼓手。」

另一個我說：「死好命，收唔到又俾你埋門一腳撞彩通知到嗰鼓手，唔係我睇吓你今晚錄乜嘢？」

我說：「唔係撞彩。」

另一個我說：「仲死撐！」

我說：「真係唔係我撞彩，係主精心安排提醒我。我籠嘢，主一早就知道晒架啦。」