「前路茫茫，如何踏步❓」
主當下所賜的，拿出來運用。
……
25/08/2022（四）22:00 Band房
我說：「我打算買一個midi keyboard。」
同學說：「點解？」
我說：「遲啲準備作曲發佈會，合奏綵排用。」
同學說：「唔？」
我說：「係呀，有啲樂器我冇，要用Logic借聲，好似豎琴、電結他、電子合成器聲效。」
同學說：「哦。」
我說：「我仲要再買多張音樂製作工作枱，幫眼睇吓邊張好。」
同學說：「你已經買咗一套音響。」
我說：「係呀，綵排要錄音。」
同學說：「你唔好諗住以為可以攪到好似人哋專業錄音咁，冇可能架。」
我靜了一會。
我說：「我知，我想做好少少都得掛？」
同學說：「……」
我說：「而家主已經科咗水，今年大學派多咗班，呢筆錢我駛梗架啦。」
同學說：「咁又係，搵到錢買吓嘢都開心嘅。」
我說：「我係想學做好啲音樂製作呀。我而家唔係同你傾買唔買，我買梗。我係想搵你幫下眼，睇吓買邊張枱啫。」
同學說：「呢個咩網？」
我說：「彩虹網，專賣音樂工作枱。」
同學說：「呢度貴，淘寶啦。」
我說：「好。」
……
另一個我說：「你盞嘥錢架咋！」
我說：「我又唔係駛你啲錢。」
另一個我說：「你保證你第時可以做到人哋轉業嗰啲咁咩？」
我說：「癡線，邊有保證架？」
另一個我說：「咁你仲駛筆錢？一陣冇埋。」
我說：「你咁緊張做乜？筆錢又唔係你俾我，主俾我嘅。」
另一個我說：「主俾錢你，你就亂咁洗，儲埋佢第時有需要嘅時候用。」
我說：「筆錢我有目的咁洗架。」
另一個我說：「咩目的？」
我說：「跟隨主前行一步。」
另一個我說：「嗰一步即係做咩呀？」
我說：「買器具，學習點樣做好啲個音樂製作。」
另一個我說：「話買就買呀？錢呢？」
我說：「洗咗主透過安排大學派多啲班俾我，黎度賜嗰筆錢咪買到，咁咪可以行前多一步囉。你而家前行有需要，都仲要將主當下賜嘅資源，收埋落床下底度唔洗想攞嚟做乜啫？」
發表新回應