「機會難得，如何珍惜❓」
跟主引領，隨即預備。
…….
10/06/2023（六）08:00 家
我說：「上Chrome。」
另一個我說：「做乜？」
我說：「搜尋一下，香港演藝學院，作曲及電子音樂學士。」
另一個我說：「想搵乜啫？」
我說：「㩒制啦。」
另一個我說：「㩒咪㩒囉！駛唔駛咁唔好老皮呀？」
我說：「諸多事實。」
我打開Chrome，搜尋「香港演藝學院，作曲及電子音樂學士」
另一個我說：「嘩。」
我說：「咩事？」
另一個我說：「APA嗰網頁更新咗。」
我說：「有啲咩新嘢？」
另一個我說：「有科目總覽，一直都冇架。」
我說：「講幾個名目黎聽下。」
另一個我說：「有主修科，有學系選修科，仲有學院選修科，合奏課程，嗰個欄目都再有十幾廿科揀，都唔知揀幾邊科？」
我說：「問Dr. So。」
另一個我說：「好提議，你好少咁醒。」
我說：「咩意思呀？想借啲意話我平時好蠢呀？」
另一個我說：「呀…你話究竟點解今年咁特別，演藝網頁會有科目總覽睇嘅呢？」
我說：「我知呀。」
另一個我說：「你知？」
我說：「主想俾多啲時間我準備，問好專家意見，諗清諗楚，唔好到時臨急亂揀科，浪費晒佢賜俾我，可一不可再嘅珍貴學習機會。」
發表新回應