「拖延，主或會如何停止❓」
以鄰舍與我的共同需要作誘因。
……..
12/06/2023（一）13:51 WhatsApp
同學傳來一個視頻。
另一個我說：「咩嚟架？」
我說：「唔知喎。」
另一個我說：「103.9MB，容量好大吓，你點會唔知咩嚟？」
我說：「癡線，容量大就知架啦，咩邏輯？」
另一個我說：「有標題，叫作曲發佈會。」
我說：「咩話？」
另一個我說：「作曲發佈會呀！咩話！無啦啦做乜send嗰作曲發佈會俾你？」
我說：「我記得啦，我問過佢攞作曲發佈會video囉。」
另一個我說：「做乜問同學攞作曲發佈會video？」
我說：「充實我親手攪嘅舊生合奏YouTube頻道囉。作曲演奏嗰欄一條片都未有，我嘅作曲發佈要等到今年11月，係咪由得佢丟空都唔理呀？」
另一個我說：「下載條片落黎睇吓。」
我說：「OK。嘩，條片成10幾分鐘，唔惦。」
另一個我說：「10幾分鐘有咩問題？」
我說：「太長冇人睇，剪短佢。」
另一個我說：「你話剪就剪呀？你都冇剪片軟件。」
我說：「我有，Final Cut Pro。」
另一個我說：「你一次都未用過。」
我說：「而家咪第一次。」
另一個我說：「你都唔識用。」
我說：「YouTube打Final Cut Pro，大把教學視頻啦。」
另一個我說：「你都唔知喺邊度Cut先啱？」
我說：「醒少少，問我同學咪知囉。」
另一個我說：「人哋未必肯答你架，唔要面。」
我說：「人哋最多咪唔答我，死要面。」
我問同學有關作品分段的問題，同學傳來作曲發佈的場刊。
我說：「而家一清二楚，知道喺條片喺邊度剪啦。」
另一個我說：「主點解要咁樣推動你去剪片啫？」
我說：「主聽到我年頭已經話要學Final Cut Pro，講咗半年連嗰軟件都未打開過，主咪運用我自己親手攪嘅舊生合奏Youtube頻道，加埋同學Share片嘅共同需要，推一推郁我，停止我繼續拖延囉。」
發表新回應