「人，為何單獨不好❓」
人很多盲點，需要互相提醒。
…….
24/10/2022（一）09:07 Make it Happen WhatsApp群組
諾行說：「點解剪走咗咁多段嘅？係咪正常架？🤔成段冇咗噃。」
Maggie說：「😱等我聽吓先。」
諾行說：「依段都冇咗 😢。」
Maggie說：「係喎！我掛住聽嘅音樂，冇留意個內容添😵💫😵💫。唔怪之得短咗咁多。諾行，咁你而家可唔可以用住我份文字稿搵晒啲片先，然之後今晚葉sir再俾過條音檔你，然後先至上？」
諾行說：「我揾曬先發現。」
Maggie說：「唔好意思，今次我衰咗🥵🫠🤦🏻♀️。」
諾行說：「OK 唔緊要啊😂😁。」
Maggie說：「我今次親身示範衰咗係點樣🙆🏻♀️🥶。」
Edith說：「好難得😂」
Maggie說：「所以大家以後都唔使怕衰，因為係唔會死嘅😂😂」
我說：「你成功製造機會，俾群組互動，發揮功能😆」
Maggie說：「今次係好難得我同你一齊衰😂😂😂不如話俾佢哋聽我哋係專登咁做😆😆」
諾行說：「你近墨者黑 😬」
Maggie說：「係呀，我近葉sir多咗啊😵💫🤣🤣🤣。葉sir，今晚辛苦你啦🙆🏻♀️」
我說：「唔好意思，呢個咪剪咗囉，上埋配樂囉喎？」
Maggie說：「因為我對過，依個冇錯，但係就剪多咗囉😜，有兩段冇咗。」
我說：「明白，但係呢個係上星期二嘅剪法。而家想重新點剪法？」
Maggie說：「一樣咁剪法。我對過原本無錯，但係你就剪多咗。」
我說：「🆗😃🙏🏻，原來係我剪多咗。」
Maggie說：「OK。因為我掛住聽音樂，忽略咗聽內容🥶🥶，所以我咪話今次同你一齊衰囉🫠😵💫🥶」
我說：「我以為你講吓笑，我仲覺得自己好唔錯，點知錯到暈😅，即刻修正先😆」
……
另一個我說：「葉Sir。」
我說：「我係。」
另一個我說：「你喺屋企係長子？」
我說：「我係。」
另一個我說：「你曾幾何時係註冊調解員喎？」
我說：「我係。」
另一個我說：「你曾幾何時係查經班領袖？」
我說：「我係。」
另一個我說：「你而家係大學兼職講師喎？」
我說：「我係。」
另一個我說：「你而家係作曲系兩年級生喎？」
我說：「我係。」
另一個我說：「你係嗰個禮拜出每周反思喎？」
我說：「我係。」
另一個我說：「你仲係信主超過10年嘅資深基督徒？」
我說：「我係。」
另一個我說：「竟然夠膽認足七次我係？」
我說：「我認你七十個七次都仲得。」
另一個我說：「咁囂張！你啱啱係唔係自以為自己好好，剪多咗條人聲仲係度懵盛盛？」
我說：「我係。」
另一個我說：「你呢個自以為是、不知羞恥、冇記性，攪錯晒仲懵盛盛嘅人，仲好意思留喺嗰小組度獻世？」
我說：「就係我咁多缺點，更加需要留喺嗰組度，接受大家嘅提醒同指教，知錯就即刻去改！」
另一個我說：「你應該立即退組，自己一個反思己過。」
我說：「我自己一個人睇我自己，會準確得過成班人睇我一個咩？」
發表新回應