「信主的人魅力何在呢？」
認罪悔改。
......
24/04/2020（五）15:30
今天帶皮皮和二筒去覆診，為免一拖二，我找來下午休假的妹妹幫手。
我說：「以前我咪同你講話死鬼大姨丈針對我既。」
妹妹說：「係呀。」
我說：「我而家唔覺得佢針對我。」
妹妹說：「吓？」
我說：「以前我咪同你講話死鬼大姨丈偏心錫晒你既。」
妹妹說：「係呀。」
我說：「我而家覺得好正常。」
妹妹說：「梗係，我細個嗰陣抵錫呀麻，大姨丈一番黎，我就衝過去叫大姨丈。」
我說：「我呢，就喺大姨丈度住，又食又拎，見到大姨丈仲一個招呼都唔打。」
妹妹說：「你細個係咁，黑口黑面。」
我說：「招呼唔打都算啦，大姨丈話我一兩句姐，我就喊。」
妹妹說：「大姨丈就會話你，唔好對住佢熊貓眼。」
我說：「跟住我就喊到阿婆錫番我為止。」
我說：「阿婆唔理我，我就喊大聲啲，喊到嘔。」
我說：「一嘔阿婆一定理我，叫停大姨丈。」
妹妹說：「你真係好黑人僧既細路仔。」
我說：「我簡直係衰格嘅無賴。」
妹妹說：「正常人都唔鍾意你啦，唔怪得知你話，大姨丈好正常。」
我說：「如果我而家見番我細個既自己，我唔止唔鍾意，直情想一把二把升醒自己。」
妹妹說：「所以大姨丈咪錫晒我囉，我唔係你呢啲咁嘅無賴，仲會主動行埋去打招呼叫大姨丈。」
我說：「不過如果而家大姨丈仲在生既話，佢未必淨係錫晒你。」
妹妹說：「下？」
我說：「我有信心佢而家有可能都會錫埋我嘅。」
妹妹說：「錫你啲咩？」
我說：「我而家唔單止會主動行過去打招呼叫大姨丈，仲可以當面同大姨丈道歉，承諾以後唔再係咁衰格同無賴啦。」
發表新回應