「冇時間服侍主，怎麼辦❓」
主或直接抽出空檔。
……
01/12/2022（四）16:16 Make it Happen WhatsApp 群組
Michael 上傳影片的連結
Michael說：「葉Sir，麻煩你配樂了🙏🏿🙏🏿」
我說：「🆗😃」
…….
我說：「你今晚得唔得閒整？」
另一個我說：「今晚要上Logic Pro X同埋鍵盤和聲及即興初階。」
我說：「聽晚呢？」
另一個我說：「聽晚作曲發佈排練。」
我說：「後晚呢？」
另一個我說：「後晚要Zoom查經。」
我說：「咁後晚Zoom查經之後呢？」
另一個我說：「之後OK。」
我說：「咁開工呀唔該，星期日要出片，而家差你啲聲咋。」
另一個我說：「OK。」
…….
03/12/2022（六）01:30 Band房
查經過後，我感到非常疲乏，睡了一會。
我說：「幾多點呀而家？」
另一個我說：「嘩，零晨1點半。」
我說：「又話訓一陣？一訓訓咗成3個鐘。」
另一個我說：「我好眼瞓。」
我說：「咁開工啦。」
另一個我說：「唔得，我好眼瞓，聽晚上晒私人學生啲堂之後。」
我說：「喂，你究竟要主等到幾時？」
另一個我說：「聽晚8點。」
…….
03/12/2022（日）11:00 家
學生致電。
學生說：「葉sir，唔好意思。」
我說：「做乜？」
學生說：「今日我同阿妹想請假。」
我說：「咁突然，做乜？」
學生說：「阿妹今朝一起身就肚痛，而家仲喺廁所度，出唔到黎。」
我說：「明白，咁下個禮拜見，唔惦就同佢去睇醫生。」
學生說：「好，知道。」
……
另一個我說：「無啦啦請假嘅又。」
我說：「點會冇啦啦？都話肚痛囉。」
另一個我說：「又見財化水啦。」
我說：「即刻開工呀唔該。」
另一個我說：「仲邊有工開？都話見財化水囉。」
我說：「我唔係叫你教書搵錢呀，我叫你即刻幫今日為主出條片混音呀。」
另一個我說：「而家？」
我說：「你仲要主等你幾耐呀？你忙呀嘛，主而家咪抽空兩個鐘俾你做，夠有突啦，仲唔郁？」
我完成《設限？不設限？第四集：冇界線好難跟耶穌嗰喎》短片混音。
發表新回應