「及時雨，咁橋嘅❓」
完全係主嘅計劃。
……
24/08/2022（三）12:30 李裘恩紀念中學門口
天文台宣佈傍晚會懸掛八號風球
合唱團男中音、男低音群組。
同學A上傳進行核酸檢測紀錄。
同學B上傳進行核酸檢測紀錄。
另一個我說：「佢哋做乜上傳進行核酸檢測紀錄嘅？」
我說：「死啦，星期六合唱團綵排，除口罩練，要做核酸檢測。」
另一個我說：「未做呀？」
我說：「唉，唔記得咗。」
另一個我說：「即book即做啦。」
我說：「book土瓜灣體育館，弊。」
另一個我說：「弊咩？」
我說：「下晏3點之前full晒，但係我2點9又要上堂，上完堂又驚打風，趕唔切去體育館，做唔切核酸。」
…….
同事說：「我去土瓜灣，你去邊？」
我說：「土瓜灣體育館。」
同事說：「去做核酸檢測？」
我說：「係呀。2點要上堂，不過3點先有得book。」
同事說：「唔駛book，直接walk in啦。」
我說：「唔駛book？」
同事說：「係呀，我定期要去醫院探病，成日直接去嗰度walk in做核酸。」
我說：「哦。」
同事說：「佢收1點半，你而家去，應該趕得切，做完核酸，食埋嗰飯再上堂都得。」
我說：「你識唔識點去土瓜灣體育館？」
同事說：「識，我住土瓜灣，順路，我而家帶你去。」
我說：「嘩，唔該晒。」
……
另一個我說：「呢個咩同事？」
我說：「HKU Space嘅同事。」
另一個我說：「好熟架？」
我說：「唔係，啱啱識。」
另一個我說：「啱啱識，佢做乜要幫你？」
我說：「佢好心掛。」
另一個我說：「你咁醒，識搵嗰住土瓜灣嘅同事黎幫你嘅？」
我說：「吓？啱啱識嗰咋喎，佢唔講我都唔知佢住土瓜灣，不過佢真係我嘅及時雨。」
另一個我說：「你滾我呀？嗰同事你啱啱識，會咁好心幫你？又成日做核酸檢測，仲要住正土瓜灣？有冇咁橋呀？」
我說：「冇咁橋，完全主係計劃，係主搵定一個住土瓜灣、樂於助人、有豐富檢測經驗嘅同事，等我放學撞到，再趕及喺天文堂掛八號風球、上作曲堂之前，帶我去佢去開嘅土瓜灣體育館，完成核酸檢測，準備星期六參加音樂劇綵排。」
發表新回應