「自以為是，如何避免❓」
承認無知，謙卑求問。
……
17/09/2022（六）08:30 某學校
我抵達學校，準備上課。
有一個工友走近。
工友說：「老師。」
我說：「早晨。」
工友說：「老師你上嗰禮拜自己借完學校嘅電腦用，唔可以由佢擺喺嗰課室度，要還番落校務處先得架。」
我說：「邊個同你講嗰電腦係我借架？」
工友說：「唔係你借嘅咩？」
我說：「唔係。係你哋學校嘅老師借俾我嗰喎，乜借電腦紀錄嗰度，我上個禮拜有簽過名咩？」
工友說：「呀，冇喎。」
我說：「嗰個老師借部電腦俾我，冇同我講過要還，更加冇講過還去邊。咁我最好就係唔好郁部電腦，咁你哋睇番我上堂嘅地點都搵得番呀嘛。」
工友說：「吓，我唔知呀。」
我說：「仲有，我上個禮拜十二點半落堂走嗰陣，見唔到校務處有人，唔好話還電腦啦，想問吓嘢都冇人答喎。」
工友說：「我唔知呀。」
我說：「唔知你又唔問？」
工友說：「……」
……
另一個我說：「食咗火藥呀你？」
我說：「喂！嗰工友老屈喎，駛唔駛同佢講多謝晒呀？」
另一個我說：「主先冇你咁暴躁呀，主好仁慈。」
我說：「主脾氣係全宇宙最好嘅。」
另一個我說：「無論我做錯啲咩，犯咗啲咩罪都好，主都會原諒我，當無事發生過。」
我說：「邊個同你講，你犯咗咩罪都好，主都會當無事發生過架？」
另一個我說：「主唔係會當咩事都發生過嘅咩？」
我說：「如果我哋犯罪，主都當無事發生過嘅話，咁主嘅公義喺邊呀？」
另一個我說：「吓，我唔知呀。」
我說：「如果係咁，主耶穌點解仲要犧牲自己呀？」
另一個我說：「我唔知呀。」
我說：「唔知你又唔問？」
另一個我說：「……」
發表新回應