「耶穌是王，是救世主，為什麼要傳❓」
因為世人都看不出。
......
15/10/2020（四）06:45 月華街公園
婆婆說：「皮皮。」
皮皮鑽入婆婆腳底，我站在欄邊看白鴿。
婆婆說：「咁晏嘅今日。」
我說：「係呀，晏咗出門口。」
婆婆說：「仲企係度，今日唔駛番工呀？」
我說：「要呀，不過今日可以喺屋企攪掂。」
婆婆說：「你係邊度番工？」
我說：「學校。」
婆婆看一看我，我穿著白色T裇，黑色波褲，黃色拖鞋，白色口罩，手拖著黑色狗帶。
婆婆說：「哦，你校工黎架？」
我說：「唔係，我教書架。」
婆婆說：「嘩，睇唔出囉。」
我說：「哈哈，我講你咪知。」
......
另一個我說：「耶穌係王，係救世主，睇唔出囉。」
我說：「點解？」
另一個我說：「耶穌係邊度出世？」
我說：「馬槽。」
另一個我說：「耶穌幾時出世？」
我說：「走難嗰陣。」
另一個我說：「耶穌個老豆約瑟做咩？」
我說：「鬥木。」
另一個我說：「耶穌係邊度拯救世人？」
我說：「十字架。」
另一個我說：「一個鬥木佬嗰老婆走難嗰陣喺個馬槽生嘅仔最後喺十字架度俾人釘死嘅係王，係救世主？」
我說：「係呀。」
另一個我說：「邊有人睇得出呀？」
我說：「所以睇得出嘅咪要憑信心去傳囉。」
發表新回應